Eri Estados Unidos xuk’am uq’ab’il ri tijchuq’ab’ b’anom pa le ya’olchajinik kumal ri nimatinamit rech ri Triángulo Norte

347

Pa le ukab’ q’ij chik le “Conferencia rech ri K’iyemal xuquje’ Ya’olchajinik Centroamericana”, chi’ xtatb’en wi ri Ministro rech  Gobernación, Francisco Rivas Lara, ri Nima k’amal b’e Jimmy Morales xuquje’ ri Ministro rech ri Defensa Williams Mancilla, chi’ k’ut xb’an wi uch’ob’ik uwach ri ya’olchajinik pa taq le tinamit che ri kiwokom uwach ri Triángulo Norte.

Pa le tzijonik xub’an ri Rivas Lara, chi’ k’ut xuya’ wi ub’ixik che are wa’ uwach ri chak rech uya’ik uchuq’ab’ ri ya’olchajinik pa le rulewal taq tinamit ri’, we kamik ri’ k’o ri jun nim ub’anikil ya’b’al komon tob’anik kumal le tinamit e k’o naj, pa taq le tinamit rech ri Triángulo Norte.

“E jun chik k’o nim kupatanij che ri uya’om nimtob’anik pa le chakunik b’anom ri’ pale kiraqik kich’ob’ik ri ajb’anol taq kamisanik pa taq amaq’ tinamit ri’, are ri’ kesaxik xb’an chi’ ri winaq e ajq’axel pa amaq’ ri’ are wa’ k’ax tana chuwach utaqik b’ik jun winaq pa q’atow tzij pa jun chik naj nimatinamit ri’ rumal elaq’nik pa taq wokajil ri’” xcha’ ri taqawokajnel rech ya’olchajinik pa amaq’il ri’.

Rumal ri’ eri Secretario rech Seguridad Nacional rech Estados Unidos, John Kelly, xuk’am uq’ab’il ri chak che ri b’anom pa Iximulew ri’, pa le uq’atexik ri b’anow k’ax xuquje’ pa le kiq’atexik ri molaj e ajk’ayin awan kunb’alil ri’, jeri’ le chak pa komon b’anom ruk’ Honduras xuquje’ El Salvador.

Eri riqb’al ib’ rech b’anow chomanik ri xb’an pa le rachoch taq ri Comando Sur, Miami, Florida, chi’ k’u ri’ xtatb’en wi le viceministro, Axel Romero, xuquje’ chi’ xetatb’en wi, ri Secretario rech e ajq’atel Narcotráfico, William Brownfield, ri Secretario rech Estado, Rex Tillerson, ri k’amal b’e amaq’ Honduras, Juan Orlando Hernández xuquje’ ri vicepresidente rech El Salvador, Óscar Ortiz.

Eri uwachtzij che ri xchomax pa ub’eyal uwokik ri’ rech ya’olchajinik pa k’ulb’a’t juyub’ chi kuwach taq nimatinamit ri’, ruk’ Iximuelw, El Salvador xuquje’ Honduras, rech kiq’atexik ri ajk’ayil awan kunb’alil, ri molaj b’anol k’ax kamisanik xuquje’ kiq’axnik winaq pa amaq’il ri’.

COMPARTIR