Xaq’ansax pa 892.1 chi q’inomal pwaqil rech tojb’al uchak ri Taqawokajnem rech Ya’olchajinik pa Amaq’ ri’

175

Pa ya’b’al ub’ixik chi rij ri Presupuesto Abierto rech ri 2017, ri are tajin kopan pa  79 mil 830 millones chi pwaqilem ri’, are ri’ xya’taj pa k’utem pa le Palacio Nacional k’o pa uk’u’x Nimatinamit, are rech kakoj ri’ pa le ya’b’al uchuq’ab’ ri Wokajil rech Ya’olchajinik xuquje’ pa Uwokajil Q’atb’altzij ri’ are b’a’ jun chi ke ri nim uwachtzijonem chomanik chi rij ri’, xecha’ ri q’atb’altzij rech ri Ministerio rech Finanzas.

Chi rij k’u ri’, eri chomam chik ya’talil chi rij ri pwaqil rech tojb’al chak ri’ rech ri Ministerio rech Gobernación are ri’ le komon uchomaxik xb’an kumal winaq tinamit ri’ xuquje’ rumal ri ajchomanelab’ rech ri Ministerio rech Finanzas rech k’o jun raq’ansaxik pa jun 19.9 por ciento ri’ chuwach ri b’anom kanoq nab’e, ri are xobpan pa 4 mil 473.5 millones chi pwaqil pa Iximulew ri’ xuquje’ pa jun chik junab’ eri pwaqil rech tojb’al chak ri’ are kopan pa Q 5 mil 365.6 millones, are junam ruk’ ub’ixik che are kajachataj wi uwach pa Q 892.1 millones ri’ le are kakojik pa le uya’ik uchuq’ab’ ri ya’olchajinik pa we amaq’ tiamit ri’ rech k’o kaya’ uwi’ le ya’olchajinik panoq, rech k’o rachoch taq ri comisarías kayakik, rech k’o ja k’olib’al kayak pache’ tz’apib’al xuquje’ rech k’o jastaq chakub’al kaloq che ri Wokajil Ajchajil Tinamit ri’.

Chi rij uchomaxik uwach ri cholchak rech ri pwaqil rech tojb’al chak ri’ eri Ministro rech Gobernación, Francisco Rivas Lara xuya’ ub’ixik che ri are kuch’ob’o che k’o k’i rajawaxik pa Amaq’ Tinamit ri’ xuquje’ are ri’ le qas rajawaxik kachomaxik chi ke ri winaq tinamit ri’, xuquje’ xub’ij che tzij ne ri’ k’o jujun taq kutz k’ax pa le uwokik ri upwaqil tojb’al chak ri’ chi rij wa’ k’o b’a’ jun nim ch’ob’ow chomanik katajin chi rij ri’ rech pa saqil jikomal kasach uwach ri’, rech kanimax b’a’ uwach ri b’anow chak k’amom uq’ab’il ri’ pa le Taqawokajil rech pa Iximulew ri’.

 “Are wa’ uwach ri ya’olchajinik xtaq ub’anik rumal ri taqawokaj pa amaq’ rech tajin kuchomaj ri rajawaxik chi ke ri tinamit pa le ilonb’al chak patan ri’, rumal ri’ eri Mingob, rumal ri chomanik ri’ ri uj kojtajin kaqawok uwach ri pwaqil rech tojb’al qachak ri’ xuquje’ kojpa’ ri rajawaxik kasachik pa ronojel ri Taqawokajnem pa Amaq’ ri’ rumal ri’ are wa’ le tajin kaqachomaj uj”, xcha’ ri Rivas Lara.

K’o jun cholchak ya’olchajinik kakoj ri’

 “Aretaq xtotaj rumal ri elaq’nik toq’inik pwaq chi ke ri tijob’al rech ri zona 6, pa aninaqil k’ut xtaq ukojik chi’ jun nim cholchak rech ya’olchajinik chi’ chi ke konojel ri winaq keraqataj pa we tinamit ri’”, xcha’ le taqawokajnel rech Ya’olchajinik ri’.

Xub’ij chik che katajin rilik ri 14 b’ixik pa le Ministerio rech Tijonem ri man ya’om ta ub’ixik ri’ chi la’ pa zona seis xuquje’ pa Jocotales ri’ chi’ k’ut xtaq wi ri ya’olchajinik rumal ri PNC rech uq’atexik ri b’anow k’ax chi’, rumal ri’ xe’opan pa taq le tijob’al chi’ rech xetzijon kuk’ taq ri atijonelab’ xuquje’ ri ajsolinelab’ xuquje’ kuk’ ri k’amal b’e tijob’al chi’ rech kechoman chi rij jas che xkoj ri ya’olchajinik chi’ rumal man k’ot jun xb’in rech we k’o b’anow elaq’ toq’inik pwaq chi’, pane’ b’a’ je ri’ xtaq b’a’ ri tzukunem ya’olchajinik chi’.

Eri Fuerza de Tarea Maya Pipil kak’oji ri’ pa Jutiapa

Eri Rivas Lara xuya’ ub’ixik che k’o jun nuk’chomanik juch’um kumal ri taqawokaj rech Iximulew xuquje’ ruk’ El Salvador, rumal ri’ xta’ik ri peraj juyub’ kak’oji wi uk’olib’al ri jun wokajil ajchajil tinamit ri’ qaraj e k’o 200 chi eqa’lenelab’ kek’oji chupam ri’ rumal ri’ xmajtaj k’ut kicha’ik rech ke’ok pa le Fuerza de Tarea ri’.

Eri Ministro xub’ij ri’ che we jun ch’ob’otal chak ri’ are k’amom ub’eyal rumal ri Estados Unidos pa le reqale’nib’al ri Wokajil rech ri Comando Sur ri kuya’o ri pwaqil meb’il rech kayak rachochib’alil rech kak’oji wi juntir uchakub’al ri’, eri peraj juyub’ ri’ are rech ri Secretaría Nacional rech Administración rech Bienes tajin kaq’ax pa uq’ab’ ri Amaq’il ri’ (SENABED) are ri xya’ rech ri’.

 

Swiffy Output
COMPARTIR