“Sib’alaj nim kinki’kotik rin in nan xuquje’ in ajchajinel rech ri unimaxik ronojel taq ri chak patan ri’”

139

Eri Silvia Paíz de Maldonado, ri are nan e oxib’ taq ral, ri k’o chik juwinaq lajuj junab’ katajin chik che chak pa le Wokajil Ajchajil Tinamit ri’ xuquje’ ri are k’o eqa’lenel pa le Subdirección General rech Prevención rech taq Delito, taqom k’ut pa chak patan pa le juyub’ tinamit rech Tz’oloja’, ri are xub’ij che ri katajin che unimaxik ri uchak patan ri’, xuquje’ ya’talil che rech katijonik, rech ke’utijoj nik’aj chik xuquje’ chi rij taq ri eta’mab’alil rech q’atel k’ax ri’ chi ke ri k’iyalaj taq b’anikil xuquje’ chi ke taq alab’om alitom pa tijob’al ib’ ri’.

¿Nikpa’ junab’ kattajin chik che chak pa le Ministerio rech Gobernación?

Rin kintajin 32 junab’ pa le wokajil ajchajil tinamit ri’ xuquje’ eri nuchak are xinmajo pa le departamento rech Tránsito pa taq le junab’ 1985, xink’oji che Oficinista I, pa le Jachakunb’al rech Relaciones Públicas che we kamik ri’ qeta’m chik jacha’ ri’ le Q’atel rech B’anow K’ax ri’.

¿Jas ab’anom che rilik at nan ruk’ ri achak patan katajin wi?

Are ri’ k’a te kinmajo k’ax ri’ xintijo pa le nab’e nuchak patan ri’, are ri’ k’a xinok che ajtijonel kech ak’alab’ ri’, xinxe’j na jub’ik wib’, aretaq xinok chi’ xuquje’ utz xb’an chuwe xa’rumal xinokisax pa le Relaciones Públicas xuquje’ pa taq le q’ij ri’ k’o ri’ junaj wal ali oxib’ ujunab’ ri’ ruk’ ninan ri’ xinwoqxa’nij kanoq, pa aninaqil kojel b’ik che uya’ik uwa’ ri wachijil ri’, pa qajib’al q’ij ri’ te k’u ri’ kinopan che rilik ri laj awal ali xuquje’ jacha’ kub’an le jun nan jeri’ xinb’an in che ub’anik juntir nutaqkil pa wachoch ri’.

Te k’u ri’ xalax junaj chik wal ala ruk’ jun chik winaq xinwoqxa’nij kanoq nitojom ri’ rech xuchajij.

Te k’u ri’ chik xalaj ri urox ala, ri ruk’ ri’ k’o nimalaj ki’kotemal xuya’ chuwe emu wari’ ruk’ ri are k’o chi le rikik chik xuya’o chaqe ruk’ nimalaj loq’ob’al k’u’x ronojel qanima’ k’ut xaqala’wchij, jeri’ p aja jeri’ pa qachak ri’.

¿Jas ri unimal k’ax ri xitij uchuq’ab’ ruk’ aretaq xixchakun pa le ya’olchajinik ri’”

Eri tijob’al taq k’ax xqak’ulmaj aretaq xaqaya’ kanoq ri qachoch qalk’uwal xeqaya’ kan xeqasax kanoq, xeqaya’ kan kuk’ winaq che ri xkaj xechajin kech ri’ rech xkiya’o kija’ xkikunaj aretaq xeqaj pa taq yab’ilal ri’.

¿Jas chi tzijolil katkowinik kaya’o utzijoxik ri xak’ulmaj pa taq ri achak xab’an pa le wokajil ri’”

Eri qas k’ax qas oq’ej xink’ulmaj aretaq le ukab’ wal ala xkamik pa jun ch’ich’ pa nimab’e ri’, are wari’ le qas k’o nimalaj b’is q’oxomal xuya’ kanoq chuwe rumal k’ut kintajin pa chak pa le Wokajil Ajchajil Tinamit ri’ xuquje’ are xinb’ij che kinok na pa le Tijob’al rech ri PNC rech b’a’ kinwesaj pa jub’ik le k’ax q’oxomal xuquje’ ri una’tib’alil xuya’ kanoq chuwe xuquje’ xinch’ob’o che utz ri’ kine’ pa le Uk’u’x Nimatinamit ri’ xuquje’ chi’ k’u ri’ xinq’axaxik pa Nahualá pa Tz’oloja’ ri’.

Chi’ k’u ri’ xinmaj wi nuchak rech ya’olchajinik jacha’ xkib’an konojel ri wachib’il ri’, are xinchakun k’ut pa taq waqxaqib’ kajb’al jacha’ ri taqam unimaxik ri’, pa jun ch’ich’ k’ut jacha’ in k’amal b’e taqanel xine’ pa taq le k’olib’al chajinik xink’oji wi xuquje’ pa taq no’jimal xk’aman chuwe le nuchak ri’ man rumal ta ri’ xinya’ ta kan le nuloq’ob’al che ri wal ala ri’.

¿Jas ri kakichomaj ri awachalal rumal katajin pa pach ri’”

Pa le nuchak ri’ utz in rilom pa ronojel le wachijil ri’ xuquje’ le wal pa k’isb’al ri’ xkib’ij chuwe jas che kinwesaj ta wib’ ri’, rin k’ut kinb’ij chike che pa nuq’ab’ k’o wi we kinwesaj wib’, xa’rumal are wa’ loq’ chak tajin kinwilo rumal are wa’ jun jamalil ya’talik chaqe uj le ixoqib’ rech kaqak’utu chi ke ri tinamit winaq che ronojel kujkowin che ub’anik ri’.

¿Jas chi loq’tzij katkowinik kab’ij chike ri nan ixoqib’ rech ri Mingob xuquje’ ri rech pa le uq’ab’wokajil ri’ pa le kiq’ij che ri petinaq ri’”

Kintaq panoq jun nim rutzil kuwach jun nim loq’ob’al ib’ chike rech kinb’ij chike che chakiterenb’ej ub’anik le utzilem chi ke ri taq kal ri’, chakib’ano b’a’ nim utzil chike, rumal k’ut eri uj uj kinan k’o jun utzalaj patan kaqab’an chi ke rech keqaya’o pa jun utzalaj tinamit ri’, rech kek’oji pa kub’sib’al k’u’x, pa joremal xuquje’ pa jorob’anem ri’”.

COMPARTIR