Eri Ub’eyal ri Q’atel K’ax pa Tinamit uq’ansim uq’ij ri chakunik ri’ pa jo’ob’ tinamit pa we amaq’

129

Eri utaqim ri cholchak ri’ are rech kurilo, kuk’am uq’ab’il pa taq juyub’al kik’olib’em ri winaqil keraqataj pa k’ax pa we amaq’ ri’, rumal ri’ eri viceministro rech Q’atel K’ax, Axel Romero ruk’ ri Cooperación Alemana GIZ, xkib’an ri ya’ol utzijoxik ri Ub’eyal ri Q’atel K’ax pa Tinamit ri’, rech b’anow kichomaxik ri jo’ob’ uq’ab’tinamit ri karaqataj wi le b’anow ka’x ri’.

Pa le k’uttijonem ri’ xetatb’enik ri k’amal b’e ri nuk’wokaj winaqilal ri’, ri taqawokajil; xuquje’ ri rech Taqawokajil rech Kak’iyemal Winaqilal ruk’ ri rech Ya’olchajinik ri’, xuquje’ ri rech B’anow Chomab’al rech Q’atenik B’anow Kamisanik pa le Ministerio Público xuquje’ ri B’anow Chomab’al Q’atel K’ax pa Tinamit ri’.

Eri Romero, xuya’ ub’ixik eri juyub’al tinamit xek’am pa le Ub’eyal Q’atel K’ax ri’ xek’am ri’: Quiche, Cobán, Escuintla, Villa Canales xuquje’ Chinautla, “rumal k’ut kik’utum jalajoj taq chomanik chi rij ri’, kojpa’ pa Quiché eri nab’e uwach chi’ are ri ya’olchajinik ri katajin uchomaxik kuk’ ri kiykimam kanoq ri maya’ winaq ri’ xuquje’ kuk’ nik’aj chik che ri sib’alaj keraqataj pa k’ax kumal ri molaj b’anol k’ax ri.’”

Eri uwach chomanik b’anom pa le ya’ltzijol ub’ixik are ri’: kaq’atexik rech kakesaj kib’ ri ak’alab’ pa taq tijob’al ri’, uq’atexik rech kekanaj ta yowab’ rech ke’alanik ri taq alitom ri’, kepixb’axik kesusuk’umaxik rech kek’oji jikom nan tat ri’, b’anow tijonem rech kak’oji jun winaqilal tinamit e k’amatalil xuquje’ man ruk’ taq itzelb’anik ri’, rech q’atel ri Bullyin xuquje’ rech k’o no’jinik pa taq b’anow tijob’al ri’ kojpa’ ri chakub’al rech k’amow ib’ pa utzilem joremal ri’.

Eri K’amal b’e rech pa we amaq’ rech ri Cooperación Alemana GIZ, Gerhard Schmalbruch, xub’ij che rajawaxik kab’an uch’ob’ik ri ub’eyal chomanik ri’ rech te k’u ri’ kaq’atexik ri b’anow k’ax ri’.

 “Pa keb’ q’ij k’o ri xchakuxik ri’, rumal b’a’ eri Cooperación Alemana ri are k’olik rech kuya’o tob’anik rech kasuk’umaxik uwach ri kik’aslemalil ri winaq e aj iximulew ri’ xuquje’ rech kak’oji b’a’ jun jamalil uwach rech k’amow ib’ pa joremal ri’”, xcha’.

Swiffy Output
COMPARTIR