Eri ajtijoxel sancarlistas xkiya’ kitzij rech pa no’jimal chik kakib’inisaj kich’ich’ rech man kakiraq ta k’ax pa taq nimab’e ri’

147

Eri e ajtijoxel rech ri Universidad rech San Carlos rech Iximulew ri’ xetatb’en pa jun molin ib’ chomanik rech q’atel solkopin ib’ pa taq nimab’e ri’, pa le Departamento rech Tránsito rech ri Wokajil Ajchajil Tinamit (PNC), rumal ri’ xketaj ukojik ilob’al b’oq’owach ri kuq’ab’arisaj kuwach ri’, rech ruk’ ri’ kakich’ob’o che man utz kakib’inisaj kach’ich’ we katijom tzam ri’, are wari’ xb’antaj pa le chomanik kuk’ pa le Nim Uq’ijol rech ri Ya’olchajinik rech Kub’sib’al k’u’x pa taq Nimab’e ub’i’ “Chaqesaj Kik’aslemal winaq pa k’ax, Chaqasaj uchuq’ab’ uwa’katik ach’ich’ ri’2.

Pa konojel e k’o 150 chi e ajtijoxel rech ri facultadres rech Agronomía xuquje’ Ingeniería rech ri nimatijob’al ib’ ri’, ri xetatb’enik pa le b’anow pixab’nik chi ke rech q’atel solkopin ib’ pa taq nimab’e ri’, xtzijox chi ke chi rij ri xib’al ib’ kuya’o aretaq jun winaq utzijom tzam kawa’akat pa taq nimab’e ri’, ruk’ wa’ are xtaqixik rech xya’ ub’ixik chi ke ri sib’alaj k’ax kuya’o chinaq kupetisaj ri k’ax ri’ xuquje’ xa’rumal ri’ xb’ij chi ke che sib’alaj rajawaxik pa no’jimal kakib’inisaj ri kach’ich’ aretaq kewa’katik pa taq nimab’e, pa taq tinamit ri’, aretaq kib’inisam b’ik ri kach’ich’ ri’.

Pa le molin ib’ rech b’anom chomanik ri’ kuk’ ri e ajtijoxel rech ri nimatijob’al ib’ ri’ k’o ilob’al rech b’oq’owach xketaj ukojik, are rech b’a’ xkina’o che man utz katijom tzam e q’ab’arinaq kakib’inisaj ch’ich’ pa taq nimab’e ri’, we jeri’ kakib’ano kakiya’ kib’ ri’ pa k’ax rech kakikamisaj kib’ ri’, kuk’ ri kik’amom b’ik kuk’ ri’ xuquje’ chi ke ri winaq kewa’katik pa taq nimab’e ri’.

We jun wokajil chi e ajtijoxel rech nimatijob’al ib’ ri’, e are jun pa le ya’ltzijol kab’an pa juntir uwachulew ri’ ub’i’ “Salvemos Vidas” xuquje’ xkiya’ kitzij kichi’ rech kakinimaj pa no’jimal b’a’ kewa’kat ri’ pa taq nimab’e aretaq we kik’amom b’ik ch’ich’ we katijom tzam ri’. Jeri’ ri Departamento rech Tránsito rech ri PNC uterenb’em kiminik nik’aj chik winaq e aj iximulew pa le jun nimachak ri’ rech uya’ik uchuq’ab’ ri ya’olchajinik kub’sib’al k’u’x pa taq nimab’e pa we amaq’ qatinamit ri’ xuquje’ sib’alaj xuta toq’ob’ ri’: “Pa no’jimal b’a’ kakib’inisaj kach’ich’ pa nimab’e ri’”.

COMPARTIR