Are uchomaxik kewa’lijsaxik ri q’atb’altzij rech kakik’am ukojik ri Chomanik pa taq Tinamit pa le Q’atel B’anoj K’ax ri’, ri cholchak ub’i’ ri Jóvenes X Guatemala, xuquje’ are le Iximulew nab’e xuchomaj ri jun kek’uttijonik ri’ chi ke le kikaj ketijoxik pa taq le uq’ab’tinamit rech Mixco, Villa Nueva, Iximulew xuquje’ rech Amatitlán ri’ xuquje’ pa k’isb’al rech xkib’an retab’axik uwach le rajawaxik ri’ rech ya’tal pa juntir le cholchak ya’olchajinik ri’.

Ri Axel Romero, viceministrio rech Q’atel b’anoj k’ax, xub’ij ucholajil are rech b’a’ kak’oji utzalaj taq uwachinik le Chomab’al Tinamit ri’ are rajawaxik kuk’am rib’ ruk’ le Chomab’al Q’atel K’ax rech ri Ministerio Público xuquje’ rech kuk’am rib’ ruk’ ri Chomab’al Tinamit rech Ya’olchajinik ri’.

 “Eri jun kowilaj kichakunik ri q’atb’altzij ri’ man are ta rilik kojpa’ kub’an jun kajmanel ri’ xane’ are rech le ya’olchajinik ri’ xuquje’ eri jun k’amb’al no’jb’al rech kojpa’ ri tajin kub’an ri q’atb’altzij rech Iximulew ri’, rumal ri’ qamolim chik qib’ ruk’ ri Álvaro Hugo Rodas chi rij wari’ xuquje’ xkik’ut chi’ che kikaj ri e are man kasach ta ri jun b’anoj chak ri’ le xb’an chi rij ruk’ le programa Barrio Seguro, ri are k’ut k’o utzalaj chakunem ya’olchajinik xkib’an pa le wokja ub’i’ Limón, pa zona 21, pa Alamedas, pa taq zona 6 ri’. Man kqaj taj kojupan tane’ kuk’ le winaq tinamit ruk’ jun wujil ri man k’ot kub’ij chupam ri’, kojtajin k’ut che ub’anik utz che ri chak kech ri komon e ajno’jb’anelab’ chi rij ri’” xcha’ ri Viceministro rech Q’atel K’ax ri’.

En k’u ri Alejandro Quinteros woksolinel rech ri Ch’ob’otal chak rech Jóvenes X Guatemala, xub’ij che pa taq le q’ij xchakuxik ri’ xb’antaj kowinem xilik che pa le kajib’ q’atb’altzij ri’ eri q’atel nawilin b’anoj k’ax utz le uchakuxik xb’an ri’ ruk’ ronojel kanima’ xuquje’ xilik che pa juntir ri’ k’o jamaril rech ke’ok le winaqil rech ya’talik kechoman chi rij wari’.

Are k’ut le Pedro Cruz rech Iximulew Nab’e xub’ij che are rajawaxik qas kak’aq le b’anow chomanik pa taq le k’olib’alil ri qas kak’ulmataj wi b’anow k’ax ri’, rech kaq’alajisax uwach ri chakunik chi rij ri’ rech kuk’utu che ri Taqawokaj Amaq’ katajin che chak patan chi rij ri’ chi’.

Eri wujil chomanik xjuch’ uwach ri’

Rumal xjuch’ uwach ri Wujil rech B’anow Chomanik ri’, eri Viceministro rech Q’atel K’ax kuk’ ri k’amal b’e q’atb’altzij kech ri komon k’ak’al taq winaq ri’ xkiya’ kitzij rech ketob’anik pa le nim komonb’al ri’, rech kachakuxik xuquje’ rech kb’an utz che ri cholchak rech q’atel b’anow k’ax ri’, rech kuwa’lijisaxik le tinamit winaqil ri’ xuquje’ rech k’o k’amow ib’ pa joremal ri’, je ri’ rech k’o nim tob’anem pa le uchakuxik ri cholchak ruk’ ri ch’ob’otal chak chi rij upatanixik yab’al joremal, tzoqopib’alil xuquje’ rech pa jikom k’aslemalil ri’.

COMPARTIR