Eri Nima K’amal b’e Amaq’ Iximulew, Jimmy Morales, xuki’kotirsaj uchak upatan b’anom rumal ri Ministro rech Gobernación Francisco Rivas Lara rech kuterenb’em ub’anik b’ik ri chakunik ub’anom pa le kajib’ ik’ pa le taqawokaj amaq’ ri’. Are utzilem ri’ are xb’antaj pa le riqb’al ib’ xechoman wi ri k’amal b’e rech ri Cámara rech Comercio, pa le Nima Riqb’al ib’ pa Tinamit rech Filiales, ri xb’antaj pa jun hotel pa nimatinamit ri’.

 “Rumal ri chak patan b’anom rumal ri ministro rech Gobernación ri’ pa le kajib’ ik’ uwach uchakunik ri’ xki’kotirsax uwach ri’, xa’rumal man naj ta ri’ xb’antaj kowinem xechapik nik’aj b’anol k’ax ri xkib’an k’aqanik pa le jun ch’ich’ ereliwinaq pa San José Pinula”, xcha’ ri Morales. Tunul chuchi’ k’u ri’ ri e 80 winaq b’anol k’ax xechap loq pa Taq’ajil juyub’ rech pa amaq’ tinamit ri’, rech b’a’ xq’atexik kakitoq’ij pwaq chi ke e e mil 152 chi winaqil e aj iximulew ri’.

Eri retalil ri’ no’jim no’jim xb’insax uwach ri’, emu wa’ ri’ xuya’ jun nim na’tib’al pa we tinamit ri’ rumal k’o 130 chi tzukunem xb’an pa jun q’ij ri’”, xcha’ ri k’amal b’e amaq’ Morales.

Eri nima k’amal b’e amaq’ ri’ sib’alaj ki’kotem che xuril ri tzukunik uchak patan ri Rivas Lara ri’, je ri’ kojpa’ ri chak tzukunem kub’an ri Ministerio Público ri’. Rumal ri’ eri Taqawokajnel Francisco Rivas, xuya’ ub’ixik che “k’o ri’ jun k’amoj eqle’nib’al chak patan ri’ ruk’ jun nimab’al uwach ri’ kuk’ ri jujun taq winaq ri kikaj ya’olchajinik chi ke”.

Eri Rivas, xumaltyoxij ri tob’anik xya’taj pa le uchak patan ri’ pane’ b’a’ man k’ot le rajil chokonsab’al ri’ rumal aretaq ri nik’aj winaq b’anol k’ax ri’ xkichap uwach taq chak pa le Ministerio ri’ rech xe’elaq’an chi’ xuquje’ rech xkib’an k’ax maj pa usaqil ri’ ri are xkitak’ab’o uwach ri jun Wokajil Ajchajil Tinamit ri’.

 “Pane’ b’a’ xa’ jub’ik ri chokonsab’al k’olik, eri uj qak’amom k’ut uwach ri patan chakunik kuk’ jujun taq winaq e aj iximulew ri’ ri tajin kakitzukuj jun nim kub’sib’al ri’ xuquje’ rumal ri’ kaqakoj nim qachuq’ab’ rech kaqaya’ ri ilonik chi ke”, xcha’ ri Rivas.

Eri ch’ob’otal chik

Pa le Convención rech filiales rech ri Cámara rech Comercio, eri Ministro rech Ya’olchajinik Amaq’ ri’, Francisco Rivas, xuk’am uq’ab’il ri ch’ob’oj chak ri’ kumal ri k’amal b’e rech taq tinamit ri’ ri xkita’o kachomaxik ri rajawaxik chi ke kojpa’ usuk’ub’axik ri nima b’e ri’, ri ya’talil chajinem winaqil ri’ xuquje’ rech ya’talil nik’aj chik chomanik chi ke ri’.

Swiffy Output
COMPARTIR