Eri taqawokajnel rech Gobernación, Francisco Rivas Lara xuquje’ ri viceministro rech ya’olchajinik, Ricardo Guzmán, xkijuch’ uwach ri chomanik rech tob’anik kuk’ ri q’atb’altzij rech ya’olchajiik xuquje’ q’atoj tzij rech Chile, xa’rumal are la’ uwach ri chomanem tzijob’enik chi kuwach ri keb’ amaq’ib’ tinamit ri’.

 “Ya’tal b’a chaqe jun k’ak’ ub’anikil jamaril rech kub’sib’al achb’ilanik, rech tob’anik xuquje’ rech b’anoj chomanik pa taq ri amaq’ tinamit ri’, kojpa’ ri k’o pa le Retalil rech ri Q’atojt zij pa taq ri tinamit ri’, ri k’o pa uchomaxik xuquje’ ri komonchak ri’, chi’ k’ut kaqeye’j keya’ ri’ ri ch’ob’otal chak chuwe’q kab’ij ri’”, xcha’ ri Javiera Blanco, taqawokajnel rech Q’atoj tzij xuquje’ Ya’talil Winaqil rech Chile.

Eri chomanik ri’ je wa’ nuk’b’al uwach xel kan ri’: che ri’ yab’al komon tob’anik ruk’ no’jtijonik ri’, xuquje’ ruk’ ri yab’al utzijoxik ri utzalaj taq b’anoj pa le uk’ak’arsib’al uwach ri taqawokajil ri’ are b’a’ ke’ok che uk’u’xal ri kub’an utz pa taq le qataqawokajil ri’.

Eri kojb’al taq xuquje’ ri uk’u’xal k’aslemal ri kuya’ usuk’al ub’eyal ri taqawokajil pa amaq’ are rech b’a’ kakijuch’u ri chomanik we kamik, are kuya’o jun nim tob’anik xuquje’ kuya’o jun nim k’amoj ib’ pa le utoq’ixik ub’insaxik uwach ri’, pa le utunik kowinem kumal ri taqawokajil ri’ ruk’ ri kekowin ri winaq che, are rech b’a’ kuyako xuquje’ kujipij uwach pa taq le uk’iyemalil ri nuk’wokaj ri’, rech k’o b’a’ jun utzalaj yab’al patan xuquje’ rech b’a’ ya’talil ri okib’al pa q’atoj tzij ri’.

Eri k’amal b’e rech taq ri taqawokajil ri kakijuch’u uwach ri chomanik rech tob’anem ri’ are kakik’utu che kikaj kak’oji le nimalaj tob’anik pa komonb’al ri’, rech b’a’ kanimaxik ri b’anoj q’atol tzij xuquje’ rech b’a’ utz ri nimanik kab’an pa le Ilonb’alil rech Q’atoj tzij ri’.

Rumal ri’ eri keb’ ri’ kakiq’alajisaj xuquje’ kakik’am uq’ab’il rech kakojik utak’alib’al xuquje’ uno’jixik ri puwi’ k’ut k’o wi uk’iyemal ri komonchak rech tob’anik ri’ chi rij taq utzijob’exik ri k’aslemam ri’, rech nim kuwa’lijsax reta’maxik pa komonb’alil ri’, ri uwokib’alil xuquje’ rech kakojik ri ch’ob’otal chak rech tob’anik ri’.

Pa le ujuch’ik ri chomanik ri’ xek’oji chi’ ri q’atb’altzij rech ri Ministerio Público, ri rech Organismo Judicial xuquje’ ri rech ri Defensoría Pública Penal rech Iximulew.

Eri yab’al reta’maxik ri’ are xb’anik ruk’ utob’anik ri Cholchak SEJUST rech ri Unión Europea.

Swiffy Output
COMPARTIR