Eri Viceministro rech Tecnología rech ri Q’axal Tzijol ruk’ Tzijob’enik ri’ Walter Girón xk’oj che ilonel rech xjuch’ik uwach ri nuk’chomanik chi kuwach ri Wokajil rech Tz’ib’atal wi Kitzijol winaqib’ pa Tinamit ri’ (RENAP) xuquje’ ri cholb’al chak pa Uwachulew rech Rikilem ri’ (PMA), ruk’ wa’ katzukuxik rech kakojik jun utak’alib’al retalil uk’aslemal utzijol ri winaqib’ ri ya’talil ri tob’anik chi ke ri’.

Eri Brenda Gramajo K’amal b’e rech ri RENAP, xub’ij che are wa’ jun nim chomanik rech ya’b’al tob’anem ri nim upatanil che ri uwokajil chak patan ri’ rumal k’u ri’ kb’an jun ya’b’al ub’ixik ri ub’anik kakojik ri tob’chakub’alil ri’.

Eri K’amal b’e ri’ xuya’ ub’ixik che k’o jun molinem chomanik kb’an kumal ri k’amal b’e rech ri PMA, chinaq xkiya’ loq ub’ixik ri rajawaxik rech kaya’taj ri tzijol ri’ kech ri winaqib’ ri k’o utzilem ya’talik chi ke rumal ri cholchak ri kikojom ri e are ri’ rech man kub’an ta keb’ uwach ri’.

Eri juch’unem xb’an chi rij le jun chomanik ri’ are rech b’a’ kaya’taj rumal ri PMA chakub’al rech kusik’ij kitzijolil ri winaqib’, rech kakojik nuk’ulem k’uttijonem, rech kawokik jun uk’olib’alil rech tzijol ruk’ ri nuk’ulib’al usik’ixik utzijol ri jujun winaq ri ya’talil tob’anik chi ke.

Eri Viceministro Girón, xuya’ ub’ixik che are wa’ jun nim b’antajik che ruma sik’im pa le juch’em ri wujil rech ri chomanik chi kuwach ri PMA ruk’ ri RENAP, xa’rumal b’a’ ruk’ wa’ kaya’tajik nim tob’anik che ri kub’sib’al k’u’x uya’ik ri rikilem pa we amaq’ ri’, xa’rumal b’a’ ri katzijob’exik ri winaqib’ ri keraqataj pa k’ax ri’ ya’talil b’a’ pa uq’ab’ ri jun wokajil chak patan ri’ le kuya’ nim tob’anik chi ke taq ri ak’alab’ taq ali ala e k’o pa we amaq’.

Eri taqawokajnel ri’ xuya’ ub’ixik che we jun ch’ob’otal chak ri’ xa’ junam ruk’ ri katajin che uchakuxik ri Ministerio rech Gobernación ruk’ ri RENAP ri’, chi’ k’u ri’ xjaq wi uwach jun uk’olib’al rech tzijol ya’tal ub’ixik ri’ pa le Código Único rech Identificación (CUI) xuquje’ are kab’ix che retal uwi’q’ab’aj xuquje’ rech rilob’al kitzijol ri winaqib’ ri’.

Eri jun utaqim rij ri’ are rech eri ub’anikil ri’ kab’an keb’ ukojik rumal ri’ PMA rech b’a’ kuk’am ruk’ jun nuk’wach rech tzijol ri winaqib’ ya’tal toq’ob’ utzilem chi ke xuquje’ rech kub’an jun utzalaj b’anikil chi ke ri winaqil le e ok’owinaq pa wi’jal chaqi’jchi’ ri’.

COMPARTIR