Eri chomanik ri’ are rech b’a’ pa kakimol kib’ pa komon chomanik, pa aninaqilem ri’, rech k’o pa usaqil rilob’al rech ri jastaqil, kaxonach’ich’ ri’ xuquje’ rech qastzij b’a’ k’o ya’olchajinem tzukunik kab’an pa taq ropanb’al jukub’ puwi’ plow xuquje’ pa ropanb’alil xik’ach’ich’ ri’, rumal ri’ eri Mnistros, Francisco Rivas Lara, rech Gobernación; ri Mario Méndez rech Agricultura xuquje’ ri Juan Francisco Solórzano rech Superintendente rech Administración Tributaria (SAT), xkijuch’ pa komon wokajil ri Ya’olchajinik tzukunem che ri jastaq ke’ok pa taq le Aduanas pa we amaq’ tinamit ri’.

 Eri taqawokajnel xub’ij che ri jun k’axk’olil k’o pa le ilonb’al chak patan pa we amaq’ ri’ are rumal man k’ot jun woksolinem chak ruk’ tzijob’enik chi kuwach taq ri wokajil rech kakitoq’ij tane xuquje’ rech kakiq’axaj tane ub’inisaxik ri ya’olchajinik pa taq ri aduanas ri’ are wari’ pa aninaqil katoq’axik pa komon ya’olchajinem tzukunik chi rij ri’ ruk’ utob’anik ri’ xab’a’ maltyox che ri tzijolil k’olik ruk’ ri no’jb’anemal ri’.

Rumal ri’ eri Ministro rech Agricultura, xub’ij che we kamik ri’ eri utaqawokajil kuk’ ri chomanelab’ ri keraqataj pa k’ulb’a’t juyub’ ri’ are rech b’a’ kakib’inisaj ri ya’olchajinem tzukunik chi ke qaraj e 800 kaxonach’ich’ ri’ xuquje’ chi ke ri ch’ich’ ke’ok’ow chi’ ronojel ik’ ri’ kojpa’ ri kik’amom loq jastaq uxe’ uwach che’ q’ayex ketijik, je ri’ ri rech jastaq rech awajil rech ketijik, ruk’ taq ri jastaq kequmuxik ketijik ri are ri’ pa aninaqil ke’ilik rech pa aninaqil ke’ok’ow ri’ chi’ ri k’o jun nim utzilem kuya’o pa tinamit ri’.

“Man utz ta kinwil in che k’o jun kaxonach’ich’ kasolixik kumal ri wokajilal ri’ chi  kijujunal, are utz ri’ we kakimol kib’ che ri tzukunik chi rij pa komonb’al ri’, rumal ri’ uj k’o chi’ rech kaqak’exo uwach jun b’anikil ri’ rech utz utoq’ixik ub’inisaxik uwach ri tzukunik chi rij ri’” xcha’ ri Méndez.

Pa k’isb’al rech eri Ministro rech ri MAGA xub’ij ri are eri jun chik chomanik rajawaxik kab’an ri’ are ub’antajik juntir pa Saqilb’anem ri’.

 

Swiffy Output
COMPARTIR