Xjuch’ uwach ri nuk’chomab’al rech uya’ik uchuq’ab’ ya’olchajinik pa taq k’ulb’a’t juyub’ ri’

249

Rech kaq’atexik b’a’ ri b’anow k’ax elaq’nik ri’ xuquje’ rech kaya’ik uchuq’ab’ ya’olchajinik pa taq k’ulb’a’t p Wokajil amaq’, kuk’ kikojik ri’ rumal ukojik ri’ uk’u’x tzijol rech ri Organización Internacional rech Wokajil e ajtzukul b’anol k’ax ri’ (Interpol ub’i’ pa ch’ab’al inglés), are wa’ chomanik ri xjuch’ uwach kumal ri q’atb’altzij rechWokajil Ajchajil Tinamit xuquje’ kumal e ajk’amal b’e rech ri  Interpol k’o pa Iximulew ri’.

Eri Subcomisario Ronaldo García, Jefe rech Interpol Guatemala, xuya’ ub’ixik ucholajil che ri k’amow yab’al uwach tzijol ri’, chi ke ri rajchak ri División rech Puertos xuquj’ rech Aeropuertos xuquje’ Fronteras (DIPAFRONT), rech ri PNC, ya’tal che rech kuta’ xuquje’ rech kurilo ri tzijol ri meb’il ruk’ kitzijol ri winaq ke’ok loq kuk’ ri ke’al b’ik pa amaq’ ri’, pa taq le k’ulb’a’t juyub’ rech Tecún Umán, El Carmen Agua Caliente xuquje’ Valle Nuevo.

 “E pa le k’olib’al uwach ri tzijol ri’ kamik chi’ katajin wi uya’ik utzijol ri’ che e k’o 190 chi ajchajil tinamti pa uwachulew ri’, rumal k’u ri’ eri utzilem ya’talil ri’ are rech ya’talik kil ri tzijolil ri’ man xaq ta chi rij ya’olchajinik pa k’ulb’a’t juyub’ pa Iximulew, xane’ je ri’ chi rij pa ronojel rulewal centroamericana”, xcha’ ri García.

Eri Erwin Juárez, jefe rech DIPAFRONT, xuya’ ub’ixik che juch’nik rech ri chomab’al xb’antaj ri’ are rech kuya’ uchuq’ab’ ri ya’olchajinik rumal ri wokajil ajchajil tinamit ri’ xuquje’ rech k’o uchuq’a’ ri b’anow tzukunik chi rij taq ri kamisanik b’anom ri’.

 “Sib’alaj ya’talil pa uq’ijol ri juch’nik rech ri jun chomab’al xb’antaj ri’ rech are rajawaxik kakojik pa uya’ik pa uq’ijolil ri tzijolil ri’ are rech ya’talil kechapik b’anol k’ax pa taq tinamit pa uwachulew ri’, rech te k’u ri’ ya’talil ketzukuxik ri ch’ich’ e elaq’am b’ik ri’ xuquje’ rech ya’tal ri tzijol che rajawaxik kilik pa le ya’olchajinik tzukunem ri’”, xcha’ ri Juárez.

COMPARTIR