K’o nim ya’olchajinik katajin pa taq esab’al wujil rech b’inisab’al taq ch’ich’ ri’

481

Rumal xesaxik che uchak patan ri Jachakunb’al rech Etab’anem chi ke Ajb’insal rech Ch’ich’ ri’ (CECOVE), xuquje’ rumal xeq’atexik uwach ri 155 wujilal rech kab’inisax ch’ich’ ri’, ri maj pa usaqil xe’esax ri’, pa le tijob’al rech ya’b’al rech ri’, eri q’atb’altzij rech ri Departamento rech Tránsito rech ri Wokajil Ajchajil Tinamit (PNC), xkiya’o utzijol che sib’alaj k’o nim ya’olchajinik kakib’an ri’ pa taq ri esab’al rech ri wujilal rech keb’inisax ri taq ch’ich’ ri’ xuquje’ are rech kesax ta kiwujil ri kakikojo pa ub’inisaxik ch’ich’ kumal ri winaqil pa nimatinamit Iximulew ri’

Eri subdirectora rech ri Departamento rech Tránsito, Sharon Umaña, xuya’o ub’ixik che ri chajinem solinik katajin ub’anik ri’ are sib’alaj k’o nim kupatanij pa rilik usolixik ri b’anow k’ax ri maj pa usaqil ri’, rumal ri’ kuya’ jun nim sik’inem chi ke ri winaqil pa nimatinamit rech makikoj makitaq nik’aj chik winaq che resaxik ri kiwujilal ri’.

“Kujk’oji che b’anow chajinik chi rij ri’ pa taq ronojel uwach wuqq’ij ri’, rech kaqilo che pa jujun taq esab’al rech ri wujil ri’ kunima b’a’ ruk’ ri tam chi rij pa usaqil ri’ xuquje’ rech man kitz’ilix ta uwach kiwujil ri winaqila aretaq keb’e che resaxik we wujilal ri’ rech b’inisab’al kach’ich’ ri’”.

Eri nan Umaña kub’ij eri etaban ib’ ri’ rech resaxik ri wujilal rch b’inisal ch’ich’ ri’ “are qas utz we are ri winaq ajchoq’e kesan rech ri’ man ruk’ ta kumal nik’aj chik winaqil ri’, are utz b’a’ k’o pa usaqil resaxik ri’, wexa’ e k’o winaq kakita pwaq che resaxik ri’ pa aninaqil b’a’ chakiya’o ub’ixik pa q’atb’altzij ri’, je ri’ rajawaxik kab’anik wexa’ e k’o winaq ke’ilik kakesaj ri wujilal ri’ ruk’ b’anow k’ax ri’ rumal ri’ eri uj qakamaj pa kiq’ab’ ri winaq chinaq wexa’ k’o wujil ri’ kakesaj man k’ot pa usaqil ri’ rumal ri’ rajawaxik pane’ b’a’ k’o keb’ uwach taqkil kab’an chi rij resaxik ri wujil ri’ rech qastzij b’a’ kakik’utu che qas kekowin b’a’ che ub’insaxik taq ch’ich’ ri’”.

Xq’atex uwach ri’ rumal ri’ man k’ot chik wujilal ri’ karesaj chi’

Ri CECOVE ri karaqataj pa le kilómetro 8.5 pa uwi’ ri nimab’e rech pa Atlántico ri’, are xq’atexik pa agosto kanoq pa we junab’ ri’ rech karesaj ta chik ri wujilal ri’, aretaq k’o k’iyalaj b’anow solinik xb’an che ri uchak patan chi’ kumal ri q’atb’altzij rech tránsito aretaq xkilo  che itzelal resaxik ri wujilal kab’an chi’ chi ke ri winaq ajesal rech ri wujilal chi’.

Pa le esab’al rech ri wujilal ri’ xuya’ ub’ixik kanoq che k’o 100 winaq xkesaj we wujil ronojel taq q’ij chi’, man je ta resaxik ri’ pa taq nik’aj chik tijob’al ri’ le xa’ 40 chi winaqil ke’opan che resaxik le wujilal ri’ rech ub’insaxik taq ch’ich’ xuquje’ kejach’ich’ ri’.

Pa le taq le q’ij 18, 19 xuquje’ 20 rech noviembre eri departamento rech Tránsito, xutaq uq’atexik rech kesax ta chik ri wujilal rech b’inisab’al ch’ich’ ri’, kojpa’ kataqan wi’ ri uq’ab’ taqanik 192 rech ri Reglamento rech ri Taqanik rech Tránisto. Jewa’ xb’anik rumal taj k’o xuya’ tane’ ub’ixik pa q’atb’altzij ri’, xane’ rumal keqaj ta pa k’ax ri’ ri winaqil ri’ ke’esan rech ri’, are rech b’a’ ya’talik wexa’ kikaj kakixim pa q’atb’altzij ri jun Escuela rech Aprendizaje rech Tránsito ri xuya’o kiwujilal rech xya’ etab’anem rech kakib’inisaj ch’ich’ ri’.

COMPARTIR