Kya’taj na nim uchuq’ab’ cholchak rech q’atel k’ax chi ke taq ixoqib’, ak’alab’ xuquje’ k’ak’al winaq ri’

206

Are taqim uya’ik uchuq’ab’ ri q’atenik b’anow k’ax chi ke taq ixoqib’, ak’alab’ xuquje’ chi ke k’ak’al winaq ri’, rumal ri’ xjuch’ uwach ri nuk’chomanik rech tob’anik che ri xtatb’en wi ri Ministro rech Gobernación Francisco Rivas Lara, xuquje’ Viceministro rech Q’atenik b’anow k’ax, Axel Romero xuquje’ ri K’amal b’e rech ri Wokajil Refugio kech taq Ak’alab’ ri’, Leonel Dubón, che ri ketajin che chakunik rech uwa’lijsaxik ri’ xuquje’ rech kakojik ri utak’alib’al ri jun ub’anikil rech uk’aslemaxik q’atenik b’anow k’ax ri’.

Eri ub’eyal ub’anikil ri chakunik ri’, are ri q’atenik ri b’anow k’ax chi ke ri taq ak’alab’ ri’ xuquje’ rech uq’atexik ri b’anow k’ax chi ke taq alab’om kuk’ ri alitomab’ ri’.

“Sib’alaj k’ax b’isb’al rilik rilik ri’ le b’anow taq k’ax ri’, eri itzel b’anow k’ax chi ke taq ak’alab’ ri’, chi ke taq ri alab’om alitom ri’ xuquje’ chi ke taq ixoqib’ ri’, ri ya’talil jamalil xuquje’ k’iyemal ruk’ k’iyirem chi ke ri’, je ri’ ri ya’talil chi ke ri’ rech k’o kichak kakiraq chi’ rech ma keb’e ta pa nik’aj chik amaq’ tinamit ri’ xuquje’ rech man ke’ok ta kuk’ ri nik’aj itzel molaj b’anol k’ax ri’ xuquje’ ri kakib’an k’ax chi ke taq ak’alab’ ri’, chi ke alab’om alitom ri’ xuquje’ chi ke taq ixoqib’ rech kakikoj pa taq b’anow k’ax ri’” xcha’ ri Rivas.

Xuquje’, xuya’ ub’ixik che are wa’ kichak kipatan ri patanelab’ rech kakib’an utz taq chomanik rech uya’ik utzilem chi ke taq le ak’alab’ ri’, alab’om alitom xuquje’ ixoqib’ ri’. “Pa le ub’anikil ri taqawokajil rech ya’olchajinik ri’ eri uchak patan ri’ are rech kupatanij ri q’atel b’anow k’ax ruk’ ri ya’olchajinik chi ke ri winaqil tinamit ri’ emu wari’ qas ya’olchajinik chi ke taq ri ak’alab’ xuquje’ chi ke ri alab’om alitom ri’”, xuk’iso ub’ixik ri taqawokajil ri’.

Eri k’amalb’e rech ri Refugio de la Niñez, xuya’ ub’ixik che ri kib’antajil ri taq ak’alab’ e k’o pa nimalaj k’ax ri’, rumal ri’ e k’o 7 mil 338 ximontzij chi rij ri b’anow k’ax chi ke taq ali xuquje’ chi ke taq ixoqib’ ri’ chi rij wari’ pa q’atb’altzij ri’, eri jun 75 por ciento ri’ are b’anow k’ax ri’ kumal kitat, kalaxik, kikyan xuquje’ kumal taq k’amal b’e e ajkojonel ri’.

“Rumal ri’ keqasik’isj ri’ rech kakub’ kik’u’x chi ke ri q’atb’altzij rech keximin pa q’atb’altzij ri’ chi rij taq ri b’anow k’ax ri’, xa’rumal katajin are wa’ katajin wi kichajixik xuquje’ rech keta’ik pa k’ax ri’ xuquje’ rech ke’esax pa k’ax ri taq ak’alab’ e aj iximulew tinamit ri’”.

Eri xjuch’ik ri komonchomab’al ri’ k’o utak’alib’al pa le Uchomab’al Tinamit rech Q’atenik b’anow k’ax ri’, rech Ya’olchajinik Winaqil xuquje’ rech K’amow ib’ pa Joremal ri’ 2014-2034.

COMPARTIR