Xchomaxik rech kaya’ uchuq’ab’ ri q’atel k’ax pa taq tinamit qas kak’ulmataj wi b’anow k’ax ri’

173

Eri q’atel k’ax ri’ are ri kaya’ katajin uchomaxik rech kaya’ na uchuq’ab’il ri’, rech keta’ik ri taq ak’alab’, ri alab’om alitom xuquje’ ri ixoqib’ ri’ pa taq le job’ taq tinamit che ri qas tajin kak’ulmataj wi ri b’anow k’ax pa we amaq’ ri’, are wari’ ri tajin uchomaxik ri’ rumal ri Ministerior rech Gobernación xuquje’ kumal ri wokajil che ri kiwokom uwach ri Taqawokaj pa Amaq’ ri’.

Are wa’ ri ub’eyal chomanik ri’ che ri xjach pa k’utik rumal ri urxo viceministro rech Gobernación, Axel Romero, pa le riqb’al ib’ rech ri Taqawokaj ri’, chi’ k’u ri’ xuya’ wi reta’maxik chi kuwach ri tinamit pa Escuintla xuquje’ pa Quiché, pa Cobán, pa Alta Verapaz ri’; pa Chinautla xuquje’ pa San Miguel Petapa.

“Kojtajin k’ut rilik uch’ob’ik cholchak rech kakojik ri’ pa le Taqawokaj rech K’iyemalil ri’ che ri kapetik che uya’ik tob’anik rech resaxik uwach taq k’axk’olil pa taq tinamit ri’ che ri qas kak’ulmataj wi k’ax ri’. Are wari’ jun cholchak che ri katajin uchakuxik pa komonb’al ri’. Eri qataqim ruk’ ri are rech xa’ pa jun ub’anik uchakuxik ri’ xa’ pa jun ukojik usachik pwaq chi rij ri cholchak ri’, are rech b’a’ kaya’ pa jikomal ub’anikil ri pwaqil kasach chi rij ri’”, xcha’ ri Romero.

Eri viceministro xuya’ ub’ixik che pa taq le job’ tinamit kakoj wiri’ le cholchak ri’, are kakoj ri’ pa taq le 30 tinamit che ch’ob’om chi wi kakoj wi le cholchak patan ri’ rech Ya’olchajinik che ri ub’im chik le Nima k’amal b’e ri’, pa uq’atexik ri b’anow k’ax kamisanik pa we amaq’ ri’.

 

COMPARTIR