Kya’ uchuq’ab’ na ri wokajil ajchajil tinamit pa 30 uq’ab’tinamit rech jo’ob’ tinamit pa we amaq’

258

Are rech b’a’ kaya’ ucholajil ub’ixik ri tam chik rij ri jun chomanik b’anow chak xuquje’ chi rij jun uta’ik rech kaya’ik uchuq’ab’ ri chak pa la 30 uq’ab’tinamit rech pa jo’ob’ taq tinamit we amaq’, rumal ri’ eri Ministerio rech Gobernación pa komonchak ruk’ ri Ministerio rech ri Defensa, xkimaj k’ut ukojik xuquje’ usuk’umaxik uwach ri wokajil ajchajil amaq’ tinamit ri’ rech utz uq’atexik ri b’anow k’ax kakib’an ri’ pa we amaq’ ri’ jeri’ xuya’ ub’ixik kumal ri keb’ taq taqawokajnelab’ ri’.

Eri Ministro rech Gobernación, Francisco Rivas Lara, xuya’ ub’ixik che ri cholchak rech jek’ib’al kuwach ri ajchajil amaq’ pa le Ya’olchajinik Winaqilal ri’, are xk’utun ub’ixik loq pa le Consejo Nacional rech Ya’ochajinik, rumal utaqanib’al ri K’amal b’e xuquje’ rumal ri Ukab’ K’amal b’e rech Amaq’, are rech b’a’ kab’an jun utzalaj b’anow ch’ob’ow ruk’ jun nim solwachinik chi rij ri’.

“Eri Ya’talil chajinik chi ke winaqil are kichak patan ri Wokajil Ajchajil Tinamit ri’, eri uj ajya’l rech ri ya’olchajinik chi ke ri winaqil e aj iximulew ri’, eri PNC xk’iy uchuq’ab’ pa le 20 junab’ chik che kojtajin che b’anow ri chak patan ri’ pa le Taqawokajil pa Amaq’ ri’ jacha’ ri juch’um pa le Nuk’chomanik rech Joremal pa le cholchak pa amaq’ ub’i’ Ya’b’al uchuq’ab’ kitaqanib’al ri winaq tinamit xuquje’ ri uchak upatan ri Wokajil Ajchajil Amaq’ pa le Ub’antajil ri winaq tinamit ri’”.

Eri ministro xkub’isaj ub’ixik che ri ronojel b’anow chomanik ri’ are ri’ katzijoxik xuquje’ kachomaxik, kuk’ taq wokaj winaqilal che ri kikaj kaketa’maj ri cholchak ya’olchajinik ri’ xuquje’ rech kaketa’maj jas le ucholaj kub’ij che k’o kesax b’ik pa le wokajil chajin tinamit ri’ “jacha’ ri xuya’ ub’ixik k’ut ir k’amal b’e rech ri PNC xuquje’ ri xintzijoj in ruk’ ri ajkalte rech tinamit Mixco, rech ub’anik ri komon ya’olchajinik chi’”.

Wokaj chomanik kuk’ ri e ajchoq’e ch’ich’ rech erelwinaq

Pa le q’axaltzijolinik xuquje’ xya’taj ub’ixik che ri Taqawokajnel ri’ are jun pa le komon b’anow chomanik kab’an kuk’ ri k’amal b’e rech taq ri nima’q ch’ich’ ri’, che ri kib’im chik kakitanab’o uwach kichak pa lunes petinaq ri’.

“Eri uj uj Ministerio rech Gobernación xuquje’ uj q’atb’altzij rech ri taqawokaj pa amaq’ kaqak’am uq’ab’il ri ya’talil ub’anikil toq’inik chomanik xuquje’ ya’talil q’axaltzijolil kech winaqil xuquje’ nuk’wokaj winaqilal ri’, xuquje’ ri ya’talil winaqil chi ke ri winaq tinamit e aj iximulew ri’ le ya’talil kewa’katik xuquje’ri  ya’talil pa kib’antajil chi kijujunal ri’ pa b’anow chomanik pa le taqawokaj pa amaq’ ri’ pa le ukojik jun wokaj ba’now chomanik ri’ pa jujun taq taqawokajnem ri’. Are wari’ qas kachomatajik jacha’ ri b’im chik kachomax ri’”, xcha’ ri Rivas.

COMPARTIR