Tajin ya’olchoq’ab’ che ri ya’olchajinik cho taq k’ulb’a’t juyub’ amaq’ib’

139

Pa ronojel e k’o oxib’ mil chi winaqil e ajchak rech taq ri jalajoj Ministerios, kiwokom uwach ri “Ri Plan Fortaleza”kiwokom k’ut uwach rumal ri Iximulew, El Salvador xuquje’ Honduras ri’, are rech ketajin che kiq’atexik ri nuk’wokaj kamisanelab’, ri kojb’al winaq pa itzelalaj taq chak, ri k’ayin awan kunb’alil, ri poq’san pwaqil maj pa usaqil, ri k’ayin awan jastaqil xuquje’ ruk’ ri b’anow k’ax pa kimolajil ri b’anol taq k’ax ri’, xcha’ ri Ministro rech Gobernación, Francisco Rivas Lara.
“Eri komon ya’olchajinik ri’ qas are chupam ri’ ri Wokajil Ajchajil Tinamit, ri Wokajil Ajchajil Amaq’ rech Iximulew, ri Superintendencia rech Administración Tributaria (SAT), ri Secretaría rech Inteligencia Estratégica ruk’ utob’anik ri taqawokaj rech ri Estados Unidos pa le uchak patan ri wokajil ajchajil amaq’ xuquje’ rumal ri D.E.A. che ri xya’taj ri kajib’ helicópteros Black Hawk xuquje’ ruk’ jun molaj chi  drones chi ke ri’”, xcha’.

Pa le ukab’ uwach chik, eri Ministro xuya’ ub’ixik che katajin kiq’axaxik pa taq le juyub’ tinamit rech San Marcos, Chinab’jul, Petén xuquje’ cho taq k’ulb’a’t juyub’ ruk’ México.

Terenb’em ri b’anow taq tzukunik ri’

Eri Rivas Lara xuya’ ub’ixik che ri b’anow taq tzukunik katajin chi rij ri ukamik ri K’amal b’e rech ri Japache’ ub’i’ “El Infiernito”, katajin pa uq’ijol ri’ xuquje’ kitzijol ri nik’aj winaq xekamisan rech are katajin uq’alajisaxik ri’.

K’o chomanik katajinik rech kek’ul panoq ri winaq ketzalix loq

Chi rij k’ut ri winaq che ri katajin ketzalix loq che ri k’o kimak kib’anom pa we amaq’ ri’, eri taqawokajnel Ya’olchajinik pa Amaq’, xub’ij che k’o chomanik katajin chi kij ri’ rech kechapik aretaq ke’opan chi’ xuquje’ rech kek’am b’ik pa q’atb’altzij ri’ aretaq ke’opan chi’.

“Xuquje’ k’o ronojel uwach ya’olchajinik kab’an chi ke jeri’ kumal taq ri jalajoj taq wokajil ri’ jacha’ ri Dirección General rech Migración, ri Registro Nacional rech Winaqib’, ri Wokajil Ajchajil Tinamit, ri  Ministerio rech Relaciones Exteriores xuquje’ ri Ministerio rech ri Defensa, e are k’ut ke’achb’ilanik ri winaq kepetik are rech kakiya’o juntir ub’anikil ilonem chi ke aretaq ke’opan chi’”.

COMPARTIR