Eri Wokajil rech ya’olchajinik e k’o e 15 molaj b’anol k’ax xakichapo pa oxib’ ik’ ri’

121

E k’o e 15 molaj b’anol k’ax ri’ xechapatajik xuquje’ e k’o e 92 winaq e ajb’anol k’ax ri’ xechap ri’, are wa’ uwach ri b’anow tzukunik kumal ri e ajchajil tinamit ri’ che ri xetaq b’ik ri’ rumal ri Ministerio rech Gobernación, k’a pa le nab’e q’ij pa le oxlajuj rech marzo pa we junab’ ri’, jeri’ xuya’ ub’ixik loq ri Wokajil Ajchajil Tinamit ri’.

Eri k’isb’al chi ke ri nik’aj molaj b’anol k’ax ri’ kib’i’ “Vatos Sureños”, rumal eri kimak kab’ixik are ri’ b’anow elaq’ toq’inik pwaq ri’ xuquje’ ri b’anow taq kamisan winaq ri’ pa taq kajib’ juyub’ tinamit pa we amaq’ ri’, chi’ k’u ri’ xb’antaj kowinem xeq’atexik, aretaq xb’antajik pa 17 ik’ ri jun nim b’anow tzukunik ri’, pa le q’ij ri’ xb’antaj kowinem xch’ob’otaj kuwach e 23 winaq b’anol k’ax ri’.

Eri kimak kab’ixik ri molaj b’anol k’ax ri’ kab’ixik k’o 14 chi winaqil kikamisam ri’ xuquje’ rumal elaq’ toq’inik pwaq chi ke keb’ wokajil ajpoq’sal pwaq meb’il ri’ k’o Q240 mil chi pwaqil ri’ xkesaj pa kiq’ab’ ri’ pa octubre rech 2014 pa le junab’ kanoq ri’.

Pa ronojel e k’o kajib’ molaj b’anol k’ax kakeleq’aj winaq, xuquje’ e k’o keb’ ajb’anol kamisanik, e k’o keb’ xkib’an elaq’nik pa taq taqawokajil ri’, k’o jun chik k’o pwaq upoq’sam maj pa usaqil ri’, jun ixoq chi ke rumal b’anow elaq’ toq’inik pwaq ri’ xuquje’ rumal b’anow kamisan winaq ri’, xuquje’ e k’o oxib’ xechapik rumal elaq’ toq’inik pwaq ri’ xuquje’ e k’o keb’ chik rumal b’anow elaq’ xkib’an pa taq ja k’olib’al ri’.

COMPARTIR