Eri Wokajil Ajchajil Tinamit ketajin kakiq’atij nik’aj molaj b’anol k’ax ri’

170

Eri eqa’lenelab’ rech ri Wokajil Ajchajil Tinamit xuquje’ ri Q’atol tzij rech ri Ministerio Público, k’o 21 chi tzukunik ketajin che ub’anik pa San Marcos, Sacatepéquez, pa Zacapa xuquje’ pa uk’u’x nimatinamit, rech kakichap ri’ nik’aj b’anol k’ax kakib’an elaq’ ri’ k’a pa le 2015.

Chi ke nik’aj molaj b’anol k’ax ri’, e k’o k’iyalaj taq e ajpoq’sal chak meb’il chi ke ri’, xuquje’ e k’o e ajtob’anelab’ chi ke ri’, e k’o rajchak ri SAT ri’, ri kab’ixik sib’alaj k’o nim elaq’ kib’anom pa Q.58,982,777.

Eri Jorge Aguilar, ajtzijolinel rech ri PNC xuya’ ub’ixik ucholaj che katajin kichapik nik’aj winaq ri’ xa’rumal are taqom loq kichapik rumal taq q’atb’altzij ri’, xuquje’ rumal ri’ katajin tzukunik pa taq ja k’olib’al, xuquje’ k’o q’alajisab’al xraqatajik che k’o winaq keyutum kuk’ ri’, k’o ch’a’wb’alil, k’o k’aq’alil, k’o ch’ich’ ruk’ nik’aj jastaq che ri kikojom pa taq keleq’axik winaq ri’.

“We jun molaj b’anol k’ax ri’ are wokotal uwach kumal taq e jo’lajuj chi winaqil, kab’ixik e are kikojom kib’ che e esal taq wujil chi saq ri’, k’o nik’aj chik kikojom kib’ che rajchak ri aduanas che ri k’o cho taq k’ulb’a’t juyub’ pa amaq’il ri’, ri ke’ok ri’ pa taq kematz’ib’ pa le uwachwuj rech kakiq’axaj ri jastaq rech keb’e ri’, kakib’ano che e ajk’utul b’e pa taq b’enam kumal ri xik’ach’ich’ cho kaj ri’ xuquje’ je wa’ ub’anik taq ri k’ax xkib’an che ri q’atb’altzij chi rij taq ri jastaq ri’, rech man k’ot pwaq xtoj ri’ chi rij taq” xcha’ ri Aguilar.

Pa taq le ya’olchajinik tzukunem ri’ e k’o 135 chi ajchajinelab’ xetaq, kuk’ e 30 ajtzukunelab’ ri’, ruk’ 21 taq ch’ich’ rech pa chajinik ri’.

COMPARTIR