Eri Ministerio rech Gobernación Francisco Rivas Lara, are jun xk’ob’ pa le k’utb’al rech ri ukab’ ub’ixkil pa junab’ ri’ rech uchak patan ri Fiscal General xuquje’ taqanel rech ri Ministerio Público Thelma Aldana, chi’ k’ut xuquje’ xek’ob’ik ri k’amal b’e rech oxib’ taqanib’al Taqawokaj ri’.

Eri Rivas Lara xutzijoj chi ke ri ajq’axal tzijolil ri’, che ri uchak patan ri Ministerio Público are rech sib’alaj tijchuq’ab’il ri’, rumal k’u ri’ xk’utu che k’o nim uwach taq chomanik ub’anom ri’.

 “Eri jun chak ri’ are k’o nim upatan che ri wokaj q’atoj tzij ri’, rumal ri b’antajnaq kowinem chakum uwach ri’.

Rumal ri’ xk’utu jun chak patanem pa komon ub’antajik ri’ kuk’ nik’aj chik uq’ab’taqawokaj rech chak patan ri’ pa le ya’olchajinik ruk’ b’anoj q’atoj tzij ri’”.

Eri Wokajil Japache’ ri’

Rumal k’ut e k’o oxib’ winaq e ajpache’ xekamik pa japache’ ri’ pa le zona 18, eri ministro rech Gobernación xuya’ ub’ixik che “eri b’anoj k’ax ri’ are man utz ta xkil ri mara 18 le utzalaj uchak patan xb’antaj ri’ kumal ri q’atb’altzij xkib’an pa le Taq’ajil Juyub’ ri’”.

Xuquje’ eri Ministro, xutzijoj che: “aretaq k’o kechapik k’o jun jamab’al kuya’ ri’, chuwach k’u ri’ eri molaj b’anol k’ax rech ri barrio 18 kikaj kakichap uwach jun jamalib’al ri’ pa le taq’ajil juyub’ ri’, ri kajuyub’ ri’ nik’aj ch’uti’n molaj b’anol k’ax ri’, rumal ri’ e k’o keb’ winaq xek’utuj chi la’ pa zona 21. Eri kaminaqib’ ri’ xekamisaxik rumal ri ch’ojinik k’o chi kuwach nik’aj molaj b’anol k’ax ri’”.

Xuquje’, eri Rivas Lara, xuya’ ub’ixik che ri Wokajil Japache’ (SP), naj junab’ sacham kanoq uwach ri’ rumal ri’ eri taqawokaj patanel amaq’ ketajin che uch’ob’ik jas le uk’exik ri utak’alib’al ri SP kakib’an ri’.

 “Xa’rumal eri wokajil japache’ ri’ man utz ta chik ri’, chi’ k’ut tajin kab’an chi ke ri winaq e tz’apil chi’, rumal ri’ eri tajin katzukuxik ri’ are eri e ajpache’ ri’ kakib’an utz che kib’ xuquje’ rech ya’talil ketzalij pa jumul chik pa taq kik’olib’al katinamit ri’ rech man kakib’an ta chik b’anoj k’ax ri’”, xcha’ ri taqawokajnel ri’.

COMPARTIR