Eri Gobernación kuq’at na uchakuxik ri Chararem Cholchak rech K’iyemal pa 2017

244

Rumal ub’anikil utaqo’n tzij ri Nimak’amal b’e ruk’ ri Uka’b’ K’amal b’e rech Iximulew, pa we junab’ ri’ eri ministerio rech Gobernación pa reqalenem k’o wiri’ ri Q’atojchak na uchakuxik ri Uchararem ri K’iyemal ri’, jeri’ xuya’ ub’ixik ri Viceministro rech Q’atel b’anow k’ax, Axel Romero, xuya’ ub’ixik che kakoj che upatan ri cholchak rech uchuq’ab’il ri chak patan rech pa jalajoj taq wokajil ri’ che ri kiwokom uwach ri taqawokajnel ri’.

E pa junab’ir kanoq are xk’oji pa reqale’nib’al ri Ministerio rech ri Defensa, che ri xekojowik ri lajuj uwach taq nim ub’anikil chak ri’, che ri are rech upatanixik kachomaxik ri wi’jal, ri nim meb’a’il ri, ri maj rikilem, ri nim peraj juyub’ taq’aj chaqe’j juyub’ ri’, jeri’ usuk’umaxik ri nimab’e che ri ub’anom k’ax rumal kaqiq’ jab’ ri’.

Eri Romero, xutzijol che ri chomab’al ri’ are xb’an rumal ri’ K’amow ub’e amaq’ ruk’ ri ukab’ ri’ che ri taqawokajnem ri’ are b’a’ kukoj rib’ chuwach le Uchararem ri K’iyemal ri’, rech b’a’ kab’antaj kowinem jun b’anow q’atojchak ilonb’al ri’ pa taqawokajil che ri kuya’o kujaq jun b’e che ri katajin ujaqatajik rumal ri Wokajil Ajchajinel pa Tinamit ruk’ usuk’umaxik ri nimab’e ri’ xuquje’ rech uya’ik ri chak patan ri’, rech kaya’taj ub’anikil uwach jun chik patanib’al pa taq kik’olib’al komon winaqilal che ri e tastaj ri’.

“Eri katzukux uwach ri’ are kusuk’umaj chik b’ik rib’ ri Amaq’ Tinamit ri’ xuquje’ are rech b’a’ kumak chi b’ik ri ujikomal ri b’anow ri taqanib’al pa we amaq’ ri’, k’a chi’ pa nimatinamit k’a pa ronojel amaq’ juyub’ tinamit ri’”, xcha’ ri Romero.

Ri xuquje’ xub’ij eri Ministerio rech Gobernación kuya’ nan nim tob’anik che ri Ya’olchajinik ri’, che ri cholchak rech q’atel b’anow k’ax ri’, rech katob’an na che kitzijol kib’antajil ri winaqib’ ri’, rech kub’an ta kutz che resaxik ri wujkitzijol winaqib’ pa q’atb’altzij ri’, je ri’ che ri wujkitzijol winaqib’ pa wokajil ajchajil tinamit ri’ xuquje’ che ri b’anow chomanik kuk’ ri komon winaqib’ ri’.

Eri riqb’al ib’ are kab’an pa taq jo’lajuj q’ij taq uxo’l are rech chi’ kumal k’amal b’e taqanik rech taq ri Ministerio rech Ambiente, rech ri Ministerio rech Comunicaciones, rech ri Wokajil Ajchajil Tinamit ri’, rech ri Secretaría rech Seguridad Alimentaria xuquje’ Nutricional ri’, rech kaya’ ri’ utzijol reta’maxik ri cholchak xuquje’ ri chakum chik uwach kumal taq, jacha’ ri rikilem tzuqb’alil ya’tal chik, ri nimab’e b’anom chik, ri tijonem b’anom chik xuquje’ ri k’uttijonem b’anom chik.

COMPARTIR