Rech uya’tajik uchuq’ab’ uchak upatan kub’an ri Fuerza de Tarea Chortí, eri Embajada rech ri Estados Unidos pa reqale’nib’al ri Wokajil Jachakunb’al rech Asuntos Antinarcóticos xuquje’ ruk’ ukojik ri Taqanik -INL-, k’o 79 chi ch’ich’ xa’ xsipax che.

Pa le riqb’al ib’ molinem ri’ xk’oji chi’ ri Minstro rech Gobernación Francisco Rivas Lara, eri K’amal b’e Amaq’il Jimmy Morales, ri Viceministros Administrativos Mario René Álvarez xuquje’ rech Antinarcóticos Óscar Dávila, ri Embajador Todd Robinson xuquje’ ri Vriginia Staab K’amal b’e rech ri INL.

Eri Rivas Lara xub’ij che ri kupatanij we jun nim sipanem ri’ are rech kuya’ uchuq’ab’ ya’olchajinik pa we amaq’ ri’, che ri qas chak patan rech kiq’atexik ri nuk’wokaj kamsanelab’ ri’ pa taq tinamit pa uwachulew ri’.

Eri jun nim sipanik xya’tajik ri’ are ri’ 25 chi pick up HILUX, 7 FORD 450, 42 Jeep semiblindados, jun ch’ich’ rech eqa’nib’al xuquje’ kajib’ ch’ich’ HINO ri k’o 10 toneladas kichuq’ab’ ri’, xuquje’ ruk’ nik’aj chakub’al chokonsab’al ri’.

Eri Morales xrechb’ej rech xki’kotirsaj ri chak patan b’anom rumal ri Ministerio rech Gobernación xuquje’ rumal ri Wokajil Ajchajil Tiamit ri’ xuquje’ xuya’ ub’ixik che ri eqlenemchak patan rech uq’atexik elaq’nik pa taqawokajil ri’ ruk’ ri b’anow k’ax kamisanik ri’, are rech b’a’ ya’talil ri joremal pa Iximulew ri’.

Eri Embajador Robinson xutzijoj che ri jun nim sipanem xya’tajik ri’ are rech kakojik pa le b’anow tzukunik, rech kach’ob’ik xuquje’ rech keraqik ri awan kunab’alil ri’ ruk’ ri uk’u’x b’anb’al kunab’al ri’; xuquje’ rech kechb’exik ri yab’al tob’anem pa le q’atenik kuwach pa kiwokajil ri b’anol k’ax kamisanik pa taq tinamit pa uwachulew ri’.

Eri Fuerza de Tarea Chortí ri’ keb’ junab’ chik kojom ri’ xuquje’ eri uchak patan are qas katajin che ub’anik pa taq le juyub’ tinamit rech Izabal, Zacapa, Chiquimual xuquje’ pa El Progreso, are ri’ kub’an tzukunem ya’olchajinik pa taq le juyub’ tinamit ri’. Kiwokom uwach ri’ rumal e 139 chi’ ajchajil amaq’ ri’ xuquje’ kumal e 200 eqa’lenelab’ rech ri Wokajil Ajchajil Tinamit ri’.

Ri are ri’ sib’alaj katajin che kiq’atexik ri molaj b’anol taq k’ax ri’, rumal ri’ k’o tzukunem ya’olchajinik tajin kakib’an ri’, k’o wa’katem ya’olchajinik ruk’ tzukunik tajin kakib’an ri’ pa taq ri juyub’ tinamit ri’ xuquje’ e k’o kechajin pa kaqiq’ cho kaj xuquje’ puwi’ plow ri’, rumal ri’ sib’alaj q’atatil kib’e ri e ajk’ayin awan kunab’al ri’.

Swiffy Output
COMPARTIR