“Kaqaya’o pa unab’ijsal unimaxik ri ya’talil chi ke ri winaqilal rech taq ri tinamit rech Ixchiguán xuquje’ rech Tajumulco”, xkub’isaj ub’ixik ri Ministro rech Gobernación, Francisco Rivas Lara, aretaq xtaq ukojik ri rumal ri Wokajil B’anol Taqanib’al pa Amaq’ ri’, ri Korlim Ya’olchajinik pa taq le tinamit rech San Marcos ri’.

“Eri uj uj nimal rech ri taqanem ri’, ri k’o pa le Qataqanwuj ri’ xuquje’ are kaqanimaj ronojel taq uwach ri ya’talil chi ke konojel ri winaqilal ri’, che ri tajin kiraqom k’axk’olil pa k’iyalaj taq junab’ chik”, xcha’.

Chi rij ri ya’olchajinik kumal e ajchajil tinamit pa San Marcos ri’, eri taqawokajnel rech ri Ya’olchajinik pa Amaq’ ri’ xuya’ ub’ixik are wa’ kaya’taj uchuq’ab’ ri’ xuquje’ ri q’atel taq b’anow k’ax ri’, ri tzukunik chi rij b’anow taq k’ax kamisanik ri’, jacha’ chi rij ri ya’olchajinik chi ke taq winaqilal che ri xkojotaj chi’ xuquje’ ri pa jikomal tajin upatanixik ri’.

Eri Rivas Lara xuya’ ub’ixik k’ut eri nab’e kanoq, aretaq xb’an ri k’utb’al rech ri uxo ub’ixikil Uchak Patan ri Ministerio Público, chi’ k’u ri’ eri Fiscal Thelma Aldana, sib’alaj xuya’o ub’ixik ri kupatanij ri komonchak ri’ chi kuwach ri MP ruk’ ri Mingob ri’ pa taq le nima’q taq ya’olchajinem tzukunik che ri b’anom ri’, aretaq xuya’ pa retalil rech xechapik ri nik’aj taq pandilleros che ri tajin xkib’an elaq’nik toq’inik pwaqil chi ke winaq ri’.

Eri b’anwo tzukunik chi rij ri xk’oji che k’amal b’e rech ri SP ri’

Chi rij ri’ eri Rivas xuya’ ub’ixik ucholaj ri’ che we jun chak xmajtajik ri’ xuquje’ rumal ri wujil rech chakunem k’o ri chomanik chi rij rumal xranij rib’ ri Maritza Lemus “Ri jun Patrona” ri’. Xub’ij che katzukux rij jun esab’al wachib’al che ri xya’taj utzijoxik ri’, rech chinaq e ajmak chi rij ri’.

Eri Rivas xuya’ ub’ixik che ri katajin ucha’ik chinaq ka’ok che ri k’amal b’e rech ri wokajil japache’ ri’.

Eri ixoq ajpache’ Maritza Lemus che ri xranij rib’, eri Ministro xuya’ ub’ixik che k’o jun molaj tzukunelab’ chi rij ri’ xuquje’ rech katerenb’em utzukuxik pa aninaqil ri’. “Qastzij k’ut kojtajin che utzukuxik ri’ xuquje’ k’a kaqaraq na xuquje’ k’o pa uq’ijol ri’ rech kaqachap na loq”, xcha’ ri Rivas Lara.

Eri jun japache’ tz’apib’al pa Villa Nueva ri’

Eri Rivas Lara, xuya’ ub’ixik che man k’ot chik ri jun utaqo’n q’atb’altzij che ri unatab’em rech kayakik ri japache’ tz’apib’al pa we tinamit rumal k’ut eri Q’atb’altzij chi’ xutaqonik rech kaya’ ri’ pa le tinamit ri’, rumal ri’ xaq k’a te’et ri’ kamajtaj we jun cholchak ri’, rumal are ri’ taqim ub’antajil rumal ri taqawokaj pa amaq’ ri’ rech che kajaqataj na uwach pa we junab’ ri’.

COMPARTIR