Eri Gobernación xkowinik xok pa le Centro Juvenil Etapa II ri’

249

Rumal jun utzalaj ub’eyal komonchak xb’antaj rumal ri Ministro rech Gobernación, Francisco Rivas Lara xuquje’ ri q’atb’altzij rech ri Wokajil Ajchajil Tinamit (PNC), xb’antaj kowinem xe’ok pa le Centro rech Privación Juvenil Etapa II, xuquje’ ri kesaxik pa k’ax ri’ e kajib’ ajchajinelab’ chi’ che ri e chapom chi’ kumal nik’aj ajb’anol k’ax ri’, le katajin ri’ xkinawilij ub’ixik che kakikamisaj ri’.

Eri Rivas Lara xuya’ ub’ixik che eri jun b’anow ri’ are sib’alaj utz xb’antaj ri’, xa’rumal xb’antaj kowinem xya’taj pa retal ri ya’olchajinik chi’ jacha’ kataqan wi ri taqanem ri’, pa le uchapik juntir chik chi’ xunimaxik ri ya’talil winaqil chi’ xuquje’ rumal ri’ man k’ot jun tane’ xkam chi’.

“Rumal ri’ kinya’ ub’ixik che maltyox che ri kichak patan ri Wokajil Ajchajil Tinamit ri’,e kasalik xe’esax loq chi’ ri kajib’ ajchajinelab’ ri’ xuquje’ xetaq b’ik ri’ pa Nimaja rech Kunanib’al Yowab’ San Juan de Dios, we kamik ri’ man k’ot b’a’ jun winaq tane’ xkamik, konojel k’ut e k’o pa uq’ab’ ri Ajchajil Tinamit ri’, kaqak’is na uwach ri ya’olchajinik chi’ xuquje’ e are chik ri q’atol tzij ke’ilow chik kech kachomaxik. Ronojel ri’ are sib’alaj utz xel k’ut” xcha’ ri taqawokajnel ri’.

COMPARTIR