Eri Ministro rech Gobernación Francisco Rivas Lara xopan pa le sik’inem xb’an che pa le Nimawokajil rech B’anol Taqanib’al pa Amaq’, kumal ri Comisión rech Gobernación chi la’, ri sib’alaj kikaj kakilo ri k’exnem uwach ri k’ak’ taqanem pa le Wokajil Japache’ (SP), rech b’anow jikom taqanik pa le wokajil japache’ tz’apib’al ri’.

Eri Rivas Lara xub’ij che we jun b’anow chakunem ri’ kojpa’ k’o pa le ch’ob’otal chak rech ri K’ak’ taqanik pa le Wokajil Japache’, rech k’o nik’aj chik ja keyak pa wokajil tz’apib’al ri’, ruk’ roksaxik nik’aj tob’chakub’al rech ya’olchajinik rech kikik winaq chi la’.

Pa le nab’e taq k’exnem xb’anik are xkoj che k’amal b’e chi’ ri Nicolás García Fuentes pa le Wokajil Japache’ ri’, ri k’o jun nim k’otowchi’aj xb’an che, are rech kub’sib’al xoksaxik che reqale’nib’al chi’, are rech xilik jas ub’antajil upwaqil, umeb’il, we suk’ winaq ri’ xilik.

Eri Ministro xuya’ ub’ixik are rech man k’ot  majun jastaq maj pa usaqil kakoj chi’ rumal ri’ k’o b’ixik q’alanik kakoj cho taq nimperaj ch’ich’ ri’, k’o rayos X ruk’ scanner kakoj pa taq ronojel okib’al pa taq japache’ ri’; we kamik ri’ k’o 29 ilb’al kakoj ri’ pa jun nab’e kojb’al rech  pa le Japache’ ri’ rech ri zona 18, Pavón, Pavoncito, Fraijane s xuquje’ pa El Infiernito ri’.

Xuquje’ k’o ri Sistema AFIS kakojik, are ilb’al rech pa taqoqxa’n pa kemamtzij rech kab’an kilik ri e tz’apil pa japache’ ri’, xuquje’ rech ke’ilik ri e ajch’ab’il kech ri’ xuquje’ k’o jun kakoj ri’ pa jujun taq japache’ ri’.

Eri jun chik sib’alaj rajawaxik kachomax uwach ri’ are kaya’ pa saq are ri b’anow k’exnik rech ri k’ak’ taqanik pa Wokajil Japache’ ri’, xuque’ rech kab’an uchomaxik ri k’axk’olil kuya’ k’ax chi ke ri e ajpache’ pa kiwokajil ri’.

 “Are karaj jun b’anow k’ak’ taqanik ri’ rech kachup uwach ri ojer taqanem ri’, ri naj chik k’olik, ri are b’anow k’ax kamisanik chik kub’ano che ri ya’talil winaqil chi ke ri e tz’apil ri’ are rech b’a’ kak’oji jun utz taqanik rech kub’sib’al k’u’x anima’ ri’, ri kub’an utzil che ri kik’aslemalil ri’ xuquje’ rech b’a’ eri Taqawokaj ke’usuk’umaj rech te k’u ri’ e utz winaq chik ketzalij chik kuk’ ri kachalalil pa tinamit ri’ rech man k’ot chi k’ax kakib’an ri’”, xcha’ ri taqawokajnel ri’.

Eri e ajchomanelab’ rech ri Komonchomanik ri’ xkikya’ ub’ixik che ri Ministro che are kikaj kechakun ruk’ ri taqawokajil ya’olchajinik ri’ rech ketob’anik pa le kichomaxik ri e ajpache’ ri’.

Swiffy Output
COMPARTIR