Katajin uch’ob’ik ub’anikil xuquje’ ub’eyal rech ya’olchajinem pa k’utb’e rech b’a’ kaq’atexik ri solkopinik pa taq nima b’e pa we amaq’ ri’, rumal ri’ xb’an ri ukab’ Nimchomanik rech Ya’olchajinem pa Nima b’e (FOSEVI), rech kaya’ utzijoxik ri Chomanem pa tinamit rech Ya’olchajinik kub’sib’al pa Nima b’e chi’ k’u ri’ xek’oji wi ri Q’atb’altzij rech ri Ministerio rech Gobernación ruk’ ri Departamento rech Tránsito rech ri Wokajil Ajchajil Tianmit ri’.

Chech ri viceministro rech Ya’olchajinik, Ricardo Guzmán, eri ya’olchajinik kub’sib’al k’u’x pa taq nima b’e ri’ are wari’ sib’alaj rajawaxik kaya’ utzijoxik chi ke ri winaqilal ri’ rech b’a’ kakich’ob’o jas le ub’anikil ri b’anow wa’katem pa taq le nima b’e pa we amaq’ ri’.

Eri ub’inisaxik nuch’ich’ kinb’ano, are ri’ ub’anikil nutzij kinb’ano, are ri’ jun b’anow. Wet qonojel kaqanimaj suk’ ri kajwa’katik ri are ri’ uk’u’x uwach ri utz wa’katem pa taq nima b’e, we jun taqanik etab’al b’anow ri’ man rajawaxik ta ri’ keta’maxik kakojik”.

Xuquje’ ri Guzmán xutzijol che ri b’anow chomanik ri’ are kupatanij rech k’amow eta’mab’ail “che ri jun chik winaq taqal uwach ri’, ri are winaq eyem pa rachoch, are jun loq’ winaq k’o nim upatan pa we amaq’ ri’”.

Eri Mario René Álvarez, viceministro administrativo, rech Gobernación, xub’ij ri’ che ri’ jun tob’anik pa komon wokajil ri’ are nim upatan rech kunimaj ri winaq kuq’axaj nima b’e, ri retalil k’utub’al nima b’e kuk’ ri kechajin pa taq nima b’e ri’.  Rumal k’u ri’ sib’alaj rajawaxik konojel ri wokajil rech taqawokaj kuk’ ri e rech taj che ok b’a’ pa le k’exnik b’anikil rumal are ri qas karaj pa we amaq’ ri’.

Rumal ri’ eri Otoniel Sandoval, Taqanel rech ri Departamento rech Tránsito rech ri PNC, xuya’ ub’ixik are wari’ rajawaxik kakojik pa le k’ak’ taqanik chi ke ajb’insal ch’ich’ pa no’jimal kek’ow pa taq nima b’e pa tinamit ri’.

 “Xa’rumal k’ut eri solkopinik pa taq le nima b’e are ukab’ kab’anow rech kekam ri winaq pa Iximulew ri’. Ruk’ we jun chomanik ri’ are rech kab’an chi ke ri tinamit winaq kenimanik, rech kakojik ri chomab’al taqanik rech reta’maxik b’anow wa’katem pa nima b’e ri’”, xcha’ ri Sandoval.

Kojom k’ut jo’ob’ uwach ri’, k’o oxlajuj ub’eyal ri’ xuquje’ k’o 38 cholchak chi rij ri’, rech kakojik pa komon ukojik kumal taq ri wokajil pa tinamit ri’.

Eri utak’alib’alil ri’: Uya’ik uchuq’ab’ ri wokajil k’amal b’e ya’olchajinik pa k’utb’e ri’, uchomaxik rech kakojik jun k’ak’ nuk’ulem taqanik rech k’o jun kub’sib’al bf’anow a’katem ri’, komon b’anow kub’sib’al wa’katem xuquje’ uya’ik ilonem pa aninaqil wexa’ k’o solkopinik pa taq nima b’e ri’.

Pa uk’isb’alil, eri eta’manik pa uwachulew ri’ uk’utum ri’ che ri solkopinik, ri kaminaqib’ ri sakonik tajin xq’atataj pa taq le nima b’e ri’, are ri’ kab’an kowinem kaq’atatajik ruk’ jun utzalaj nimab’al rech ri k’utb’al pa taq nima b’e ri’.

COMPARTIR