“Eri K’amal b’e pa taq Tinamit tajin ketatb’enik pa le no’jchomanik chi rij ri Ch’uch’ulem Joremal ri’”

71

Eri no’jchomanik ub’i’ “Ri k’ulmam chuwach kanoq, ri chakum chik chi rij ri’ xuquje’ tijob’al chak rech ri b’anow ch’uch’ulem chomanik rech pa Joremal ri’” are xjaq uwach ri’ pa le “Uro’ Nimalaj Riqb’al ib’ pa Amaq’ Tinamit kech K’amal b’e rech taq Tinamit ri’”, chi’ k’ut xek’oji wi ri ajno’jinelab’ chi rij le nim chomanik ri’.

Eri ajno’jinelab’ ri’ Catalina Soberanis, Justa de Monney, Carlos Cerezo xuquje’ ri Rigoberto Casasola, Subsecretario rech ri Ch’uch’ulem Joremal ri’, xetzijon chi rij ri rok’owisam chik, ri chakum chik xuquje’ ri tijob’al b’anow chak chomanik chi rij ri ch’uch’ulem joremal ri’.

Eri Catalina Soberanis, xub’ij che rajawaxik b’a’ eri K’amal b’e rech taq tinamit k’o nim kakich’ob’ chi rij ri wachtzijonem chomanik ri’.

 “Sib’alaj rajawaxik b’a’ eri k’amal b’e rech taq tinamit man xaq xu’ wiri’ kakilo uwach ri Wujil rech Ch’uch’ulem Joremal ri’ xane’ rajawaxik b’a’ kakich’ob’ ri retalil ri k’ak’ ub’antajil kupatanij chi ke ri k’ak’ kuwach winaqilal ri’ le ub’anikil ri nuk’b’anow chomanik ri’ pa le cholb’al b’anow chomanik rech uk’iyemal we amaq’il ri’”.

Eri Iván Díaz, K’amal b’e rech Iximuelw xub’ij che rajawaxik b’a’ ri b’anow unimaxik uwach ri Nuk’chomab’al rech Joremal ri’, xa’rumal are wa’ ri qas kakoj kumal rajtaqo’nelab’ ri K’amal b’e pa taq le tinamit ri kesik’ix wi che b’anow chomanik rech q’atenik uwach ri k’axk’olil pa taq wokajil winaqilal ri’.

 “Eri tijob’al chuq’ab’ chi rij ri ya’ol utzijoxik rech ri ch’uch’ulem chomanik rech ri joremalil ri’ xuquje’ rech uq’atexik uwach ri k’axk’olil ri’, are kuya’ utzilem chomanik chi ke ri winaqilal e aj iximulew ri’ rech ya’talil chomanik chi ke pa ub’antajil ri utzwachil, ri tijonem xuquje’ rech ya’ol chak patan ri’”.

Eri K’amal b’e rech Tz’oloja’, Alberto Chumil, xub’ij che we jun no’jtzijonem chomanik ri’ are k’o nim kupatanij che ri tijob’enik ri’, pa le k’amal ub’eyal chomanik ri’ xuquje’ pa k’o kichakuxik kachomaxik chi rij wa’ ri nuk’chomab’al rech ch’uch’ulem joremal ri’, rech uya’ik uchuq’ab’ ri b’anow chomanik xuquje’ rech kuya’ utak’alib’alil ri b’anow taqanem pa jujun taq tinamit ri’.

Swiffy Output
COMPARTIR