Eri Ministro rech Gobernación, Francisco Rivas Lara ruk’ ri K’amal b’e Amaq’ Jimmy Morales, ri K’amal b’e Wokajil Ajchajil Tinamit kuk’ ri nima’q taq k’amal ub’e ri Nimatijob’al rech Occidente, xetatb’en pa le ya’b’al keqale’nib’al ri e 53 Taqanelab’ chajin tinamit rech xkik’is uwach tijob’enik rech Reta’mab’alil Chajin Tinamit e Sak’ajil Eqa’lenelab’ kechajinik pa le Wokajil Ajchajinelab’ pa Komonb’al Winaqil ri’, are nimaq’ij ri’ xb’an pa le ujamalil rech b’anol taq tijonem rech ri PNC, pa zona 6 ri’.

Pa le 15 ik’al ri’ eri e 53 eqa’lenelab’ che xkik’is le tijob’en ib’ ri’, e k’o oxib’ ixoqib’ chi ke, che ri xkitijoj kib’ pa le Tijob’al rech ri PNC pa le zona 6 ri’, e are ri’ xya’taj uq’ab’il chi ke rumal ri Nimatijob’al rech Occidente ri’.

Eri taqawokajnel ya’olchajinik pa amaq’ ri’, xub’ij che k’om nim ki’kotem tajin kuna’o rumal xerilo che ri puq e ajno’chakunelab’ ri’ xekowinik xkitijoj kib’ rech ke’ok che urox ub’anikil taqanelab’ ri’ pa le Wokajil Ajchajil Tinamit ri’, xuquje’ ya’talil chi ke ri wujilal rech ke’ok che licenciados rech reta’mab’alil chajin tinamit ri’, are ub’anikilem ke’uta’o rech kakik’owisaj ri tijob’en ib’ pa le wokajil ri’.

Xuquje’ eri taqanelab’ ri’ xkitijoj kib’ rech kakesaj uwach ri tijob’en ib’ rech Especialistas che Chajinik pa Kik’olib’al Winaqilal ri’, ruk’ wa’ eri wokajil ajchajil tinamit ri’ kuya’o chi ke rech kechakun kuk’ ri winaq tinamit ri’ xuquje’ qastzij b’a’ kakub’ uwach ri tijob’enik chi ke we kamik ri’.

“Eri ajchajil tinamit raq’ansim ri katijoxik ri’ rech utz ri kichak kipatan kakib’an ri’, rumal ri’ qastzij k’ut kujkowin che uk’amik uq’ab’il kitob’anik ri winaqil tinamit ri’, che ri uj rajawaxik chi ke ri’”, xcha’ ri Rivas Lara.

Eri k’amal b’e amaq’ Morales xub’ij ri’: “Eri Iximulew ri’ k’o jun nim ki’kotem tajin kuna’o rumal kerilo che ri taqanelab’ chajinem ri’ sib’ala ketajin ke’ok che e ajno’jchakunel ri’, e eyem chik che e k’o e mil 200 chi taqanelab’ chajinem kakik’is ketijox ri’ are sib’ala utz che we amaq’ ri’, xcha’ ri Morales.

Eri nima k’amal b’e amaq’ ri’ xuquje’ xuki’kotirsaj uwach uchak patan ri Ministro Rivas xuquje’ ri K’amal b’e Ramos, rumal uchak upatan ub’anom ri’ xuquje’ rumal ri’ sib’alaj xtoq’in chi ke ri’ rech man kakitanab’o taj ri tijob’enik chi ke.

COMPARTIR