K’o nim q’atenik xb’an chi ke ri e ajk’ayin awan kunb’alil ri’

511

Eri viceministro Antinarcótico rech Gobernación Oscar Davila, xub’ij “eri awan kunb’alil xraqatajik are retalil che k’o kub’sib’al kik’u’x ri winaqil chi ke ri q’atb’altzij Antinarcóticas”, aretaq xk’amataj b’ik kumal ri Fuerza de Tarea rech Kechajin pa Kaqiq’ Antinarcótica (SGAIA), kumal eqa’lenelab’ rech ri Subdirección General rech Análisis xuquje’ Información Antinarcótica (SGAIA) reh ri Wokajil Ajchajil Tinamit (PNC) xuquje’ kumal ri Q’atol tzij rech ri Ministerio Público, eri 1,637 upajb’alil  cocaína are xk’am b’ik pa taq nik’a jukub’ tiburoneras xuquje’ are wa’ ri xraqatajik pa uwi’ plow océano Atlántico kumal ri Fuerza Especial Naval (FEN).

Eri viceministro Dávila, xuya’ ub’ixik che ri awan kunb’alil ri’ are taqom pa Iximulew ri’ rech te k’u ri’ kataq chi b’ik pa Estados Unidos, are wa’ xraqatajik xa’ maltyox chi ke taq ri wokajil kakib’an ya’olchajinik pa uwi’ taq plow ri’ are wari’ jun nim q’atenik xb’antaj chi ke ri e ajk’ayin awan kunb’alil ri’.

Sib’alaj xuya’ ub’ixik che ri Iximulew Amaq’ Nimatinamit ri’ chi’ k’ut qas raqom wi pa le k’isb’al taq juwinaq (20) junab’ ri’ k’i awan kunb’alil ri’, ruk’ ri we kamik k’o 12,427.2  pajb’alil awan kunb’alil xraqatajik ri’ junam ruk’ ri Q 1, 276 millones 793 mil 508 che ri rajil pa ronojel ri’.