Eri Iximulew xuya’ utzijol pa Estados Unidos chakum chik pa le ya’olchajinik ri’

171

Are wa’ uwach ri komonchak rech uya’ik uchuq’ab’ ri ya’olchajinik ri’ xuquje’ pa le uq’atexik ri nuk’wokaj b’anow kamisanem pa taq le amaq’ib’ tinamit che ri kiwokom uwach ri Triángulo Norte, xumaj ri “Nimachomanik rech ri K’iyemal Utzilem xuuje’ ri Ya’olchajinik pa Centroamérica”, pa Miami, chi’ k’u ri’ xtatb’en wi ri Nima K’amal b’e rech Iximulew ri’, Jimmy Morales xuquje’ ri Ministro rech Gobernación, Francisco Rivas Lara.

Pa le uwach taq ri kachomax ri’ pa le Nimachomanik ri’ are xchomanik uq’atexik ri uq’axik ri awan kunb’alil xuquje’ ri migración maj pa usaqilal ri’, kiraqik ri nuk’wokaj rech b’anow taq kamisanik rech kaq’atexik pa taq ri naj tinamit pa uwachulew ri’ xuquje’ ri ukojik ri chom uwach pwaqil kumal taq e ajpoq’sal meb’ilem ri’.

Pa le utzij utatb’enik xub’an ri K’amal b’e Amaq’ Jimmy Morales, xuya’ ub’ixik taq ri chakum chik rumal ri Taqawokaj pa Amaq’ ri’, jacha’ taq ri ya’olchajinik q’atenik xb’an pa Ixchiguán xuquje’ pa Tajumulco, chi’ k’u ri’ xesax wi ri tiko’nib’al taq amapola ruk’ marihuana xuquje’ xmuq’ ri b’e b’anom pa uxe’ juyub’ ri’ che ri kiwam wi k’aqb’alil ri b’anol k’ax chi’, are wa’ xya’taj ub’ixik rumal ri nima k’amal b’e che are wa’ jun nim q’atenik xb’an chi ke ri e ajk’ayin awan taq kunb’alil ri’.

Xuquje’ eri Morales xuya’ ub’ixik che sib’alaj xumaltyoxij che ri Estados Unidos ri nimtob’anik xuya’ chi’ pa Iximulew ri’ pa le q’atenik chi ke ri e ajk’ayin awan kunb’alil ri’.

Eri Secretario rech Naj Taqawokaj ri’, Rex Tillerson, are ri rajawtzij chi rij ri nimchomab’al ri’, xuya’ ub’ixik che kuwa’lijsaj ri k’iyemal pa América Central are jun ub’antajil rech okib’al ri’, eri tajin ub’antajik pa le Triángulo Norte are kuchomaj ri ya’olchajinik che ri umeb’il upwaqil ri Estados Unidos ri’ kuk’ le nik’aj chik naj tinamit pa uwachulew ri’.

COMPARTIR