Rech katerenb’exik kiq’atexik ri nik’aj molaj b’anol k’ax pa taq nik’aj chik nimatinamit naj, eri Ministro rech Gobernación Francisco Rivas Lara, xuya’ utzijol che ri amaq’ Iximulew ri’ e k’o kajib’ helicópteros keya’ rumal Estados Unidos, rech kakoj kumal ri Wokajil Ya’olchajinik Antinarcótica xuquje’ Antiterrorista (FIAAT) ri’.

Ruk’ wa’ jun nimtob’anik ri’ eri amaq’ Iximulew man kusach ta chik ri’ Q100 millones pa le kasuk’umaxik ri xik’ach’ich’ ri’. Are wari’ uwach chak patan rech kitob’anik ri keb’nimatinamit ri’.

“Jeri’ xya’taj loq chaqe rumal ri Estados Unidos xuquje’ pa taq le q’ij ri’ petinaq kojtajin che reyexik jun wujil rech kub’ij ya’tal wi jun nimtob’anik chaqe ri’. E are k’ut kechoman rech nik’aj kakiq’axaj loq chaqe ri’, are rech b’a’ kakoj pa le uwokajil ri Fuerza rech Interdicción Antinarcótica xuquje’ Antiterrorista” xcha’ Rivas Lara.

Xuquje’ xuya’ ub’ixik che ri ruk’ wa’ jun chomanik ri’, “eri Amaq’ Nimatinamit Iximulew ri’ are ya’tal ri utzilem ri’ che rech man k’ot chik nimapwaq kusach pa le suk’umanik ri’. Are chik ri Taqawokaj rech Estados Unidos ri kuya’o jun suk’umanik ri’ xuquje’ are kutaq loq ri loq’ chokonsab’al chaqe ri’, pa keb’ oxib’ q’ij chuwe’q kab’ij ri’, rech kujkowinik kaqapatanij ri’ xuquje’ rech eri uj ajilol rech we jun chak patan ri’ xuquje’ rech kaqala’wchij usuk’umaxik le helicópteros ri’”.

COMPARTIR