Are xchomaxik ri ya’olchajinem kumal ri keb’ amaq’ nimatinamit pa taq k’ulb’a’t juyub’ amaq’ib’ ri’, are ri’ xchomatajik pa le nab’e nim riqb’al ib’ kumal ri Nima Molaj rech Ya’olchajinik ri’, Guatemala-El Salvador (GANSEG), ri xb’antaj pa Achuachapán pa le nimatinamit centroamericano ri’.

Eri uwach taq ri xchomaxik ri’ are chi rij ri ya’olchajinik xuquje’ chi rij ri ya’olchajinik chi ke winaq e wa’katel ri’, xuquje’ chi rij ri winaqil ri k’o k’ax kib’anom ri’, are rech ke’ilik pa le ukojik ri no’jchakub’al ub’i’ AFIS (nuk’ulib’al utzijol winaq chuwi’ uwi’q’ab’al ri’).

Xuquje’ xna’tixik che ri cholchak rech ya’olchajiik ri’, ri chajinem xuquje’ ri chomanik kb’an pa aninaqil ri’are rech kaya’ ilonem tob’anik chi ke winaq ri’ keraqataj pa k’ax pa kiq’ab’ ri b’anol k’ax kuk’ ri e ajk’ayin awan kumb’alil maj pa usaqil ri’. Rumal ri’ rajawaxik kekojik ri wokajil ya’olchajinik rech q’atel ri b’anow k’ax xuquje’ rech keq’atexik ri ajk’ayin awan taq kumb’alil maj pa usaqil ri’.

 “Qonojel qak’amom qib’ ri’ pa le k’amow eqa’lenem b’anow chak patan ri’ xuquje’ rech pa le kiq’atexik ri b’anow k’ax kuk’ ri kamisanelab’ ri’”

Rumal ri’ eri ministro rech ya’olchajinem rech El Salvador, Mauricio Ramírez, sib’alaj xuki’kotirsaj kuwach ri ajchomanelab’ rech taq nimatinamit xe’opan pa le chomanik chi’ rech ri ya’olchajinik ri’.

Eri Ramírez, “sib’alaj utz b’a’ kaqilo kaqeta’maj che xb’an ri chomanik ri’ xuquje’ rech xunimax uwach ri xb’itaj ri’”.

Eri uwach taq ri xchomaxik are ri’: Chi rij Migración xuquje’ chi rij ya’olchajinik pa taq k’ulb’a’t juyub’ ri’; ri sak’ajil tzukunik, ri ya’olchajinik kub’sib’al k’u’x pa taq le tinamit ri’ xuquje’ chi rij uq’atexik uwach taq b’anow k’ax xib’inem ri’; ri q’atel kuwach ri molaj b’anol k’ax ke’eleq’anik kekamisanik ri’ xuquje’ ri ya’b’al tob’anik che ri b’anol q’atoj tzij ri’, ri ya’olchajinik winaqil pa taq tinamit ri’ xuquje’ pa k’ulb’a’t juyub’ amaq’ ri’; rech uq’atexik b’anow k’ax elaq’nik pa taq aduanas xuquje’ rech uq’atexik ri jastaq maj pa usaqil kek’ayixik, xuquje’ rech q’atel b’anow k’ax ri’.

Are xchomaxik che ri jun chik riqb’al ib’ chomanik ri’ are kab’an pa nimatinamit Iximulew ri’.

Swiffy Output
COMPARTIR