Eri Iximulew ruk’ El Salvador pa komon chi kuwach kakib’an q’atenik b’anoj k’ax ri’

172

Eri Taqawokajnel Ya’olchajinik pa Amaq’, Francisco Rivas Lara, xk’oji pa jun riqb’al ib’ pa taqawokajil chi kuwach Iximulew ruk’ El Salvador ri’, ri xb’an rumal ri rajtaqo’n ri Iximulew ri’, are rech kuya’ jun nim tob’anik pa le uchomaxik ri k’axk’olil k’o ri’ pa k’ulb’a’t juyub’ pa keb’ amaq’ib’ ri’, xuquje’ are rech kakijach uwach ri chakum chik kumal rech pa komon k’o kakich’ob’o kakichomaj ri’.

Eri uwachtzijonem xutzijoxik kumal ri k’amal b’e taqawokajil ri’ are chi rij ri ya’olchajinik pa k’ulb’a’t juyub’ xuquje’ chi rij kiq’axnik winaqil chi’.

Eri Rivas Lara, sib’alaj xub’ij che nim kupatanij wa’ ri komon chak ri’ pa taq ri amaq’ib’ tinamit centroamericanos, xuquje’ rech kachomaxik jas kab’an chi ke ri molaj taq b’anol k’ax ri tajin keq’ax loq pa Iximulew ri’.

 “Are wa’ kojtajin che uya’ik pa komon chak kuk’ ri q’atb’altzij rech ri Wokajil Ajchajil Tinamit ri’, rech kachajixik kajilab’al kopan wi kiq’axik chi’ ri nik’aj molaj b’anol k’ax ri’ je ri’ pa ri jun chik amaq’ ri’, pa le b’anoj korlim ya’olchajinik pa taq rulewalil tinamit ri’ are rech keraqatajik ri nik’aj molaj b’anol k’ax ri xe’ok loq maj pa kisaqil pa Iximulew ri’, xuquje’, rumal ri’ k’o ya’olchajinik tzukunik xb’an chi’ che ri qas xe’ilotaj wi, are ya’olchajinik ri’ pa komon ub’anik kab’an ri’ kumal ri q’atb’altzij salvadoreñas kuk’ ri e aj chi’ pa Iximulew ri’”, xcha’ le Rivas.

Eri Ajpatanel chi’, Carlos Raúl Morales, xutzijoj che ri chomanik rech ya’olchajinik ri’ are k’o nim kupatanij aretaq wexa’ e k’o ke’ok loq chi’ rech keq’atexik ri’, xuquje’ rech yab’al tob’anik pa le ujikomal kiq’axik ri winaqil pa le keb’ amaq’ tinamit ri’.

“Eri b’e b’a’ k’olik rech q’axnem pa Iximulew ruk’ ri Salvador are 84 rajilab’al chi krusb’e ke’ok’ow wi ch’ich’ ri maj pa kisaqil ri’ xuquje’ k’o nik’aj chik awan b’e ke’ok’ow wi che kaqan ri winaqil ri’”, xcha’ ri Morales.

Xuquje’ eri Ministerio rech Gobernación, Francisco Rivas Lara, xutzijoj pa molin ib’ kuk’ ri q’atb’altzij salvadoreñas, che pa komon ri’ ketajin che kiq’atexik kikb’e nik’aj molaj b’anol k’ax ri’ ri nim k’axk’olil kakiya’ pa taq le juyub’ tinamit ri’.

Xuquje’ xub’ij che ri ketajin che kiq’atexik rech keleq’ax ta chik ri ch’ich’ pa b’esina amaq’ ri’, rumal rech eri keleq’ax chi la’ chi’ kakik’am wi loq b’anol k’ax rech kakik’ayij chi’.

Swiffy Output
COMPARTIR