Eri Nimatinamit Iximulew xuquje’ Estados Unidos pa komon ketajin che uq’atexik rech man k’ot k’ax kab’an chi ke ri winaq e ajq’axel pa taq amaq’ib’ ri’

241

Are rech b’a’ man k’ot chik winaq centroamericanos xuquje’ suramericanos keb’e pa taq Estados Unidos ri’, rumal ri’ e pa le Ministerio rech Gobernación k’o jun nimriqb’al ib’ chomanik xb’an kuk’ ri ajchomanel rech ri Patrulla Fronteriza rech taq Río Grande Valley xuquje’ Tucson, Arizona rech xakiya’o pa k’utik kajib’ uwach cholchak rech kiq’atexik rech k’ot chik winaq maj pa usaqil keb’e tane pa taq nik’aj chik amaq’il ri’.

Pa le riqb’al ib’ chomanik ri’ rumal ri’ Iximulew xopan chi’ ri viceministro rech Ya’olchajinik, Ricardo Guzmán, Edwin Mayen, ri subdirector rech taq Tzukunek Ya’olchajinik rech ri Wokajil Ajchajil Tinamit ri’ (PNC), ri Viceministra rech Relaciones Exteriores, Ana María Diéguez, ri ajchomanel rech ri División rech Puertos, Aeropuertos xuquje’ Puestos Fronterizos (DIPAFRONT) xuquje’ ri k’amal b’e chomanik rech ri Dirección General rech Migración ri’.

Rumal ri’ eri ub’anikil ucholchak ri Patrulla Fronteriza are wari’: 1) Katzukuxik pa taq le juyub’ che ri winaq ajb’anel sachianq ri’ xuquje’ che ri kaminaq wi pa le tz’inin juyub’ rech Tucson, Arizona, 2) kitzukuxik ri winaq che ri b’im ri’ e sachinaq, 3) ketz’ib’axik ri winaq che ri e sachinaq ri’ xuquje’ 4) aretaq wexa’ k’o jun winaq man k’ot uwujil k’as na karaqatajik wene’ kaminaq chik are rech kachomaxik rech kataq b’ik pa rachoch pa utinamit ri’.

Rumal ri’ eri Nimatinamit Iximulew e k’o k’iyalaj taq uwokajil rech chak patan kakiya’ utzijoxik pa taq ilob’alwachil ri’ xuquje’ pa taq le q’axaltzijol ri’ rech kaq’atexik kesach ri winaq ixoqib’, taq ak’alab’ taq ala taq ali, jeri’ ri alab’om alitom xuquje’ ri achijab’ che ri kakitijchuq’ab’ rech keb’e rech ke’opan pa le nimatinamit norteamericano ri’. Chi rij wari’ kutun uchak upatan we Amaq’ Nimatinamit ri’ rech kakikoj wokajil chomanik ri’ rech keq’atexik ri winaq rech keb’e ta chik ri’.

Rumal ri’, eri Mayen xkub’isaj ub’ixik ri’ che are wa’ sib’alaj k’ax katoj jun winaq rech kak’amow b’ik kech pa le nimatinamit Norte Americano ri’, “xa’rumal k’ut eri kab’ix e coyotes chi ke, sib’alaj k’ax kakib’an chi ke ri winaq ri’, pa k’i taq mul ri’ e k’o winaq kikamisan ri’ che ri pa awalik keb’e ri’ naj rumal resaxik pwaq chi kij ri’.”

Qas xkub’isaj ub’ixik k’ut che ri nik’aj kamisanel ri’ are pwaq b’okuwach man rech man qast tzij kakik’am b’i ri’ le winaq pa Estados Unidos ri’.

COMPARTIR