Eri tinamit rech Escuintla, Santa Rosa, Chiquimula, Petén,Suchitepéquez, Zacapa xuquje’ Xe’laju’, chi’ k’ut qas katajin wi uq’alijinik che ri b’anow taq kamisanik chi’ katajin wi uqajik uchuq’ab’ rajilab’al ri’, aretaq kajunumisax uwach pa nuk’utal rajilab’al rumal ri Wokajil Ajchajil Tinamit (PNC), chuxo’l ri nab’e q’ij rech enero xuquje’ ruk’ ri rech lajuj q’ij rech diciembre rech 2015 xuquje’ pa le 2016 ri’.

Pa juntir ri juyub’ tinamit eri b’anow taq kamisanik ri’ are tajin xqaj loq pa jun 6%, e pa junab’ir k’ut are k’o 4,531 chi b’anow k’ax ri’ xk’ulmatajik, e pa we junab’ ri’ eri b’anow k’ax ri’ xopan k’ut pa le 4,257 ri’.

Pa ronojel ri’, eri rajilab’al ri’, pa le 16 chi ke ri 22 tinamit pa we amaq’ qajinaq loq rajilab’al ri b’anow taq k’ax kamisanik ri’ chuwach ri xk’ulmataj pa junab’ir kanoq. E pa Escuintla k’o 110 xk’ulmataj ri’ qajinaq na chuwach ri xk’ulmataj pa junab’ir kanoq. E pa 2015 k’o 566 chi b’anow kamisanik xk’ulmataj ri’, emu wa’ ri’ we kamik are k’o 456 xk’ulmataj ri’, junam ruk’ pa jun 19% qajinaq loq ri’.

Pa le keb’ uwach chik eri tinamit rech Santa Rosa, k’o ri’ 184 chi b’anow k’ax kamisanik xk’ulmataj ri’ pa le 2015, emu wa’ ri’ chik are xqaj loq pa 120, junam ruk’ pa 35% qajinaq chi loq.

E pa tinamit rech Chiquimula k’o ri’ pa jun 21% ri b’anow k’ax ri’ xk’ulmatajik, pa ronojelil ri’ k’a pa le nab’e q’ij rech enero pa le lajuj q’ij rech diciembre rech pa junab’ri k’o 272 chi b’anow kamisanik xk’ulmataj ri’, emu wa’ pa junab’ ri’ are xopan pa 215, k’o b’a’ 57 uxo’l ruk’ ri rajilab’al ri’.

E pa Petén xuquje’ pa Suchitepéquez k’o b’a’ 34 b’anow kamisanik qaj xk’ulmatajik, pa jujun taq tinamit ri’. E ajsik che we amaq’ ri’, eri rajilab’al ri’ xqaj loq pa 308 pa le (2015) pa 274 pa (2016), emu wa’ pa taqajil juyub’ k’o 131 pa (2015) k’o 97 pa (2016).

Pa Zacapa kojpa’ pa taq Xe’laju’ k’o ri’ 25 chi b’anow kamisanik qaj xk’ulmataj ri’, pa taq juyub’ rech uqajib’al q’ij, eri rajilab’al rumal ri PNC, kub’ij che k’o 143 xk’ulmataj pa junab’ir kanoq k’o k’ut 118 ri xk’ulmataj pa le 2016 ri’.

COMPARTIR