Are wari’ jun nima chak k’amatal uwach xuquje’ are wa’ jun chi ke ri utaqim rumal ri Uchomanik ri Taqawokaj pa Amaq’ ri’, are wa’ rajilab’al ri b’anow k’ax kamisanik chi ke winaq ri’, are wa’ xqaj loq pa rajilab’al pa jun 6% man junam ta ruk’ kojpa’ pa le 2015 aretaq e k’i na winaq xekamisaxik ri’, jeri’ ub’ixik xuya’ loq ri Ministro rech Gobernación, Francisco Rivas Lara.

Eri Ministro Rivas xuya’ ub’ixik che we jun rajilab’al ri’ are sib’alaj utz rumal ri tijob’al chuq’ab’ chak b’anom pa ronojel ri Uwokajil ri Q’atb’altzij ri’, pane’ b’a’ are qas reqle’mnik ri Wokajil Ajchajil Tinamit ri’, are qas ajb’anol ya’olchajinik rech q’atel k’ax ri’, ri sak’ajil tzukunik ajchajil tinamit xuquje’ ri b’anow chakunem tzukunik chi rij taq pa kimolajil ri nik’aj b’anol k’ax kamisanik ri’, are rech b’a’ keq’atexik rech kakib’an ta chik b’anow k’ax kamisani pa we amaq’ ri’.

Eri Rivas xub’ij pane’ b’a’ man je ta ri’ rilik kikil ri winaq tinamit, are b’a’ xa’rumal ri jun ub’anikil etab’anik xb’an pa unimal tinamit ri’, rumal k’u ri’ chomatal chik che pa jun chik junab’ ruk’ b’a’ utob’anik ri Banco Interamericano rech Desarrollo (BID), kab’an ri’ ri Nab’e Molom Tzijol pa Tinamit rech jas Rilik xuquje’ rech pa kajilaxik ri winaq kiraqom k’ax ri’, are rech b’a’ k’o utzalaj uwachinik kuya’o pa le b’anow chak ri’ xuquje’ are b’a’ utz ukojik ri chakub’alil kab’an ri’ xuquje’ are qas utz b’a’ ri uchak patan ri Ministerio rech Gobernación kub’ano ruk’ ri Wokajil Ajchajil Tinamit pa we amaq’ ri’.

Eri Ministro Rivas xub’ij che pa le junab’ 2015 k’o b’a’ 29.5 b’anow kamisanik xk’ulmatajik xuquje’ e pa we junab’ ri’ are karayixik eri b’anow k’ax kamisanik ri’ are kaqaj pa 27 che jujun 100 mil chi winaqil pa tinamit ri’.