Eri ub’anikil rajilab’alil esam rumal ri Wokajil Ajchajil Tinamit xuya’ ub’ixik che pa taq le oxib’ q’ij ri’, xaq xu’ wiri’ keb’ winaq xekamisaxik pa ronojel ri juyub’ taq’aj  rech pa Nimatinamit Iximulew ri’, are wa’ kutunu rib’ ruk’ ri rajilab’al qajinaq pa retalil ri’, are wa’ kuk’utu che sib’alaj tajin uya’ik uchuq’ab’ ri ya’olchajiik chi ke ri winaqilal ri’.

Pa retal xqajik ri b’anow k’ax ri’, eri rajilab’al rumal ri PNC, kuya’o ub’ixik che pa taq le q’ij lunes 21 pa martes 22 man k’ot b’a’ jun winaq xkamisaxik ri’ pa ronojel uwach ri juyub’ tinamit ri’, ruk’ wa’ xopan pa retalil ri komon chak katajin kumal ri q’atb’altzij rech ri Ministerio rech Gobernación.

Ya’talil rech kasik’ixik ri wujil tzijol ri’

Man xaq ta wari’ ri ya’om ub’ixik rumal ri ilonb’al chak patan ri’, rumal k’ut ri nim ya’olchajinik b’anom,  pa konojel k’ut e k’o 60 chi molaj b’anol k’ax e chapom chik pa 2016 xuquje’ e k’o k’ut 60 mil 916 chi b’anol k’ax xechapataj ri’, junam ri’ kub’ij che k’o 10 mil 901 e chapom na chik man je ta ri’ kuk’ ri xechap pa le 2015 ri’.

Emu wa’ ub’ixik ri’ pa le kiq’atexik ri k’ayin awan kunb’alil ri’, eri cocaína pa le k’isb’al wuqub’ junab’ ri’, k’o ri’ 10 mil 750 chi pajb’alil awan kunb’alil xraqataj ri’ xuquje’ eri rajil pa ronojel are ri’ Q 2 millones 995.3 millones chi pwaqilem ri’.

Swiffy Output
COMPARTIR