Eri kamisanik tajin uqajik pa urajilab’al pa le 2016

438

Xa’ pa jun uwach wuqq’ij karaj kak’is ri junab’ 2016, katajin na uqajik loq pa rajilab’al ri kamisanik ri’. Je ri’ kuk’utu ri utzijol rumal ri Wokajil Ajchajil Tinamit, k’a pa le 24 rech diciembre kanoq ri’ k’o 280 pa rajilab’al xqaj loq chi rij ri’ man junam ta ri’ ruk’ ri xk’ulmatajik pa le 2015 (are chi’ k’a pa le nab’e 1 rech enero k’a pa le 24 rech diciembre ri’).

Eri rajilab’alil ri’ kuya’ pa k’utik che pa junab’ir kanoq k’o 4,691 chi b’anow kamisanik xk’ulmataj kanoq ri’, k’a pa  sábado k’a te xok’ow ri’ are chi’ xopan 4,411 pa rajilab’al ri’, junam ruk’ xqaj loq pa le 6% chi rij ri’.

Eri ub’ixik xya’taj rumal ri komonb’al winaqil mexicana rech Ya’olchajinik, Suk’umalil xuquje’ rech Joremal, xuya’ ub’ixi e pa le 2015 xuquje’ are xuya’ ub’ixik pa ya’ltzijol kanoq ri’, eri Caracas, are jun nimatinamit e k’o oxib’ millones 200,000 chi winaqilal ri’, are xk’oji pa le nab’e terenb’alil ri xk’ulmataj wi 3,946 chi b’anow kamisanik ri’ pa 2015, junam ruk’ are kub’ij 119,87 chi winaq xekamik che ri jujun taq 100,000 chi winaqilal ri’.

Rumal ri’ rajawaxik b’a’ kaya’ ub’ixik che k’o 4,691 kamisanem xk’ulmataj pa Iximulew pa le 2015 ri’ pa we amaq’ nimatinamit ri’, en k’u ri’ ri kamisanik ri’ are k’ulmam ri’ pa taq le uk’u’x nimatinamit ri’.

Eri ch’ob’onik chi rij rumal ri komonb’al winaqil mexicana, are katajin rilik kajilab’al winaq e kamisam pa taq le nimatinamit ri e k’o wi e 300,000 pa kajilab’al winaq ri’ xuquje’ chi’ k’ut e k’i winaq e kamisam wi chi jujunal rech 100,000 winaq ri’. Eri pa le kich’ob’ik ri’ e k’o k’ut lajuj chi nimatinamti ri qas xk’ulmataj wi b’anow k’ax pa 2015 ri’, k’o b’elejeb’ chi ke rech pa latinoamericanas ri’, man k’ot ri’ ri Iximulew.

Eri b’anow kamisanik ri’ kojpa’ ri xya’taj ub’ixik ri xqaj loq pa rajilab’al ri’ pa taq le k’isb’al taq junab’ pa Iximulew ri’. Pa le 2015 xk’ulmataj k’ut 28,284 chi kamisanik ri’, pa le 2016 xk’ulmataj ri’ pa 26,690. Junam ruk’ eri rajilab’al are 1,594 chi kamisanik man xb’antaj ta chik, junam ruk’ are tajin xqaj rajilab’al pa jun 6% ri’.

Nota: Rodolfo Zelada.

Fotografías: Roberto López.

COMPARTIR