Xb’an k’isb’al loq’ob’al uq’ij ri K’amal b’e rech Japache’ “El Infiernito” che ri xkamisaxik

185

Eri José María Pérez Corado, K’amal b’e rech ri japache’, xb’an b’ik k’isb’al uch’ab’exik b’ik kumal ri q’atb’altzij rech ri Ministerio rech Gobernación, kumal ri rachalal xuquje’ kumal ri rachib’il rech pa chak ri’ aretaq xkamisaxik pa le parque Central rech Escuintla.

Pa le utzijol xuya’ ri Ministro rech Gobernación Francisco Rivas Lara xuya’ ub’ixik “We kamik ri’ kojtajn pa k’isb’al uch’ab’exik ri José María are k’ut jun suk’alaj ajchak ri’, qas jikom k’ut ub’antajil pa uk’aslemal ri’, xuya’ rib’ pa jikom chak ruk’ ri tinamit rech Iximulew, are jun k’utb’al utzalaj ajchak chi kuwach nik’aj chik ajchakib’ rech ri SP”.

“Ri are xa’xesaxik uk’aslemal kumal nik’aj b’anol k’ax ri’ emu wari’ qas keqachap na chi rij jun b’anow k’ax ri’, kojuxulan taj rech k’a keqachap na rech man kujxu’k’i’ ta chi kuwach ri’ rech kakitoj ri k’ax tajin xkib’ano”, xcha’.

Aretaq xub’ij loq’ utzij chi ke ri rachalal, eri Ministro sib’alaj xumaltyoxij chi ke rech xkiya’ loq’ ri Pérez Corado pa le chak ri’ rech xuya’ rib’ xkamisax ri’, rumal ri’ xub’ij ri’ che are jun ajk’uta’n jun utzalaj b’antajil chi kuwach winaqilal ri’ xuquje’ pa le wokajil japache’ ri’.

Man k’ot jun itzelal tane’ xub’an pa le jo’lajuj junab’ uchak upatan ri’

“17 junab’ chik katajin che chak pa le SP ri’ man k’ot jun k’ax tane’ xub’an chi’ rumal ri’ are jun utzalaj ajchak chi kuwach konojel ri rachib’al e ajchak pa tinamit ri’, xuquje’ chiwach ix rachalal xuquje’ rumal ri’ kinmaltyoxij chi we rumal k’ut ri are ajtzuqul iwech ri’”.

Eri Rivas Lara xrechb’ej rech xuya’ ub’ixik chi ke ri e ajchak rech ri SP che kakiterenb’ej b’a’ ub’anik ri kichak che ri ketajin che ub’anik ri’ pa le ya’ol utzilem ri’, pane’ b’a’ k’o kakil chuwach ri’ xa’rumal naj junab’ chik maj k’amal b’e pa le wokajil japache’ ri’ rumal ri’ we kamik ri’ eri q’atb’altzij sib’alaj tajin kikaj kakiwa’lijsaj uwach ri’.

“Chi terenb’ej ub’anik ichak ipatan pa le tinamit Iximulew ri’ xa’rumal are sib’alaj rajawaxik xuquje’ are rech eri jun kamisanik ri’ man ta kasach kan uwach ri’ xuquje’ eri man rumal taj katanab’ uwach ri chak patan chi’”.

Kojtajin k’ut che usuk’umaxik ri SP, kaqaterne’j b’a’ ub’anik we chak ri’, are wa’ ri b’e rech ke’uk’am b’ik ri qalk’uwal pa utzilem ri’, pa le qatinamit aj iximulew ri’ are rech b’a’ ma jumul ta chik kak’ulmataj chik ri jun kamisanik ri’.

Eri 21 Puq k’ak’ Ajchajinel kuk’am b’ik ub’i’ ri’

Eri K’amal b’e rech ri Wokajil Japache’, Nicolás García Fuentes xub’ij “Eri ukamik ri José María che ri SP ri’ are jun nim sachanem xk’ulumaj ri’, xa’rumal xuch’ob’o xub’an utz aretaq xk’oji che ajchajinel chi’ aretaq xuk’utu che k’o loq’ b’anikil xukoj pa le uchak patan pa le wokajil chakunem ri’, xunimaj uwach juntir ri uchak upatan ri’”.

Xub’ij chik, che are jun achi’ utz xuk’utu, xa’rumal man xuya’ ta rib’ pa kiq’ab’ nik’aj itzel winaq che ri xkaj xkiloq’ kuk’ rech aretaq xkaj tane’ xkik’am b’a kiq’ab’ ri SP ri’.

Rumal ri’ xub’ij che pa taq le q’ij xuch’ob’ uwach pa amaq’el xuk’ut rib’ che ajnimanel rech ri uchak upatan ri’ xuquje’ ruk’ kow animaq’ xuk’am ri upatan rech xok che k’amal ub’e ri Wokajil Japache’ che ri xchakun wi.

“Ri are k’ut xub’an jun utzalaj achi che rib’ aretaq xk’oji pa le wokajil chakunem ri’ xuya’ rib’ pa k’ax rech xub’an utz utaqanik pa le wokajil chakunem ri’ xuquje’ man xuya’ ta rib’ xloq’ ub’antajil kumal ri itzel winaq ri’, jeri’ upatanil xub’an ri García Fuentes ri’.

Rech na’tib’al rech eri 21 puq’ k’ak’ ajchajinel ri’ kuk’am b’ik ub’i’ ri loq’ achi’ José María Pérez Corado jacha’ tane’ jun utz k’utb’al kaya’ ri’ rech jeri’ pa unimaxik kab’anik ri wokajil chak ri’ jacha’ ri kataqan wi ri taqanik ri’, xcha’ ri K’amal b’e rech ri SP.

Eri xk’ulmataj ri’

Eri Pérez Corado, 48 ujunab’, k’o 17 junab’ chik katajin che chak pa le wokajil Japache’ xuquje’ ri are xuya’ utzij rech xol che K’amal b’e pa le Japache’ kech Achijab’ ri’, ub’i’ “El Infiernito” xuquje’ rumal ri’ xkamisaxik pa nimaq’ab’ rech pa sábado 22 rech abril aretaq kraqatajik pa le parque central rech Escuintla kumal e oxib’ itzel achijab’ e kikejem kejch’ich’ ri’, jeri’ xkiya’ ub’ixik ri winaq che ri xe’ilow rech ri xk’ulmataj chi’.

 

COMPARTIR