Ya’b’al k’isb’al taq loq’ob’al chi ke ri e oxib’ eqa’lenelab’ ri’ che ri xekamik ketajin pa chak patan ri’

172

Ruk’ oq’ej b’is q’oxonem xloq’ob’ax kiq’ij ri eqa’lenelab’ chajin tinamit Mario Antonio Gonzalez, Julio Arnoldo Monzón y  Candy Margoth Sanchez, che ri iwir xekamik aretaq ketajin che ya’olchajinik pa tinamit Iximulew ri’.

Pa le ya’b’al k’isb’al taq loq’ob’al ri’ chi’ xetatb’en wi ri taqanel rech ri amaq’, eri Ministro rech Gobernación xuquje’ ri K’amal b’e rech ri Wokajil Ajchajil Tinamit ri’jeri’ ri eqa’lenelab’ rech taq ri jalajoj taq pa kiwokajil ri Ajchajil Tinamit ri’.

Xya’ nimkiq’ijb’alil ri’

Pa le utzij xuya’o ri K’amal b’e amaq’ Jimmy Morales sib’alaj xuya’ ub’ixik che nim kiq’ij ri e oxib’ eqa’lenel che ri xekamik ri’ xuquje’ xub’ij chi ke ri kitat nan, chi ke ri kalk’uwal, ri kalaxik xuquje’ chi ke kixoqilal ri’ nim kina’o che kib’ rumal eri e are ri’ pa chak patan ketajin wi aretaq xekamik ri’.

“We kamik ri’ keqach’ab’ej b’ik ri’ eri kanima’ kixilab’ab’il kak’oji ri’ iwuk’ ix xuquje’ are kakik’ut ri’ ri loq’ b’e chiwe ix xuquje’ ri suk no’jb’alil ri’, kakik’ut ri’ che k’o nima’q taq loq’pixab’ xuquje’ no’jk’aslemal ri’ che sib’alaj utz kak’am uq’ab’il pa tinamit ri’”, xcha’ le Nimak’amal b’e.

“Kaqaloq’oj uwach ri kikamikal ri’ xuquje’ ronojel qanima’ kaqamaltyoxij kanimab’al xkiya’o pa le chak patan pa we amaq’ ri’”.

Pa le ya’b’al nim utzij xuya’o ri Taqawokajnel Ya’olchajinik pa Amaq’ ri’ xub’ij k’ut che sib’alaj kumaltyoxij xuquje’ kunimaj uwokiq’ij rumal eri Qajaw Chikaj xuya’ jun ub’anikil nimanem chi ke ri eqa’lenelab’ ri’ che ri xekamik aretaq ketajin pa chak patan ri’.

Xuquje’ sib’alaj xumaltyoxij chi ke ri kachalal rumal xkiya’o qaraj jun utzalaj kitzij chi ke ri kalk’uwal ri’ rech kakiya’o jun utzalaj kichak patan pa le tinamit Iximulew ri’.

Xub’ij chik, “We kamik eri Qajaw Chikaj, e k’o chik ruk’, xuquje’ we kamik eri uj kaqaloq’oj ri kikamikal ri’ xuquje’ ronojel qanima’ sib’alaj kaqamaltyoxij ri kichak kipatan xkiya’o pa we amaq’ tinamit ri’”.

“Man xaq ta xekam wari’, man k’ot b’a jun kutak’ab’o rib’ chaqawach ri’, xane’ are wa’ kuya’ qachuq’ab’ xuquje’ ri kojuwa’lijsaj rech kaqaterenb’ej unimaxik ri qachak qapatan ri’ xuquje’ rech kaqakub’isaj ri ya’olchajinik pa tinamit ri’”, xcha’ ri Ministro ri’.

Xuquje’ xub’ij ri’, are kojutoq’ij rech kab’an na nik’aj chik b’anow tzukunik ri’ rech kach’ob’ kuwach xuquje’ rech keraqik kechapik chinaq xeb’anow ri k’ax kamisanik ri’ xuquje’ rech kaqaj q’atb’altzij chi kij ri’ pa Iximulew.

Xkub’isaj uya’ik ronojel utob’anik ruk’ ri’ k’a le Ministerio rech Gobernación che ri wokajil ajchajil tinamit ri’, chi ke ri kachalal ri xekamik ri’, xuquje’ xumaltyoxij ri utob’anik xuya’ ri’ le Nimak’amal b’e Amaq’ ruk’ ri Ukab’ K’amal b’e ri’, rumal ri nim tob’anik tajin xuya’o ri’ pa taq le raqom k’ax ri’.

Man xkixij ta kib’ ri’ 

Eri k’amal b’e rech ri PNC, Nery Ramos sib’alaj xub’ij eri xekamik ri’ man xkixe’j ta kib’ xkiya’ kib’ pa le kamikal ri’ xuquje’ man xaq xkiya’ kib’ xb’an k’ax chi ke xkitij kichuq’ab’ rech xkik’ul kuwach rech kiq’atexik nik’aj b’anol k’ax ri’ che ri e are kab’ixik e itzel taq winaq ri’ xuquje’ man utz ta kib’anikil ri’.

COMPARTIR