K’o tijonem kaya’ik chi ke rajchak ri MINGOB chi rij Ub’anikil Pwaqilem rech Tojb’al chak

199

Eri chakunem, ri cholchak xuquje’ ri pwaqil rech tojb’al chak pa wokajil are chi rij ri’ kb’an ri ya’b’al tzijonem chi ke jun molaj ajtob’anik e 60 ri’ pa konojel rech ri Ministerio rech Gobernación ri xya’ik pa le rachoch ri Instituto Nacional rech  Estudios Estratégicos rech Ya’olchajinik (INEES), are ri’ xjaqataj uwach rumal ri Viceministro Administrativo, Mario René Álvarez Galán.

 “Eri k’uttijonem ri’ are kuya’o jun kowonib’al chak patan pa taq le wokajil chak ri’ rech katerenb’exik ukojik ub’anikil ilob’an uwachinem b’anow chak patan ri’, are wa’ kuya’ chi ke konojel ri ajchak kek’oji chi’ rech kakich’ob’o jas ub’anik ukojik ri pwaqil rech tojb’al chak ri’ kab’anik xuquje’ rech kakich’ob’o ub’anik uwokik jun utzalaj  cholchak ri kuk’utu ri’ ri utz chak patan kab’antaj kowinem ruk’ kachakuxik xuquje’ are ya’talil b’a’ jun utzalaj ya’olchajinik pa tinamit chi ke ri winaqil ri’, xcha’ ri Viceministro Administrativo.

Eri viceministro xuquje’ xub’ij che kuk’ ri molaj ajchak e k’olik xuquje’ kuk’ ri ajno’jinel ajtijonel ri’, kuk’ wa’ eri Ministro ri’ k’o  jastaq chakub’al xb’antaj kowinem xkolotaj ri’, eri rumal ri b’anow tijonem ri’ are kojuya’ pa saq che e jun wokajil ya’b’al chak k’o ajchoq’e’il are kuta ri’ Q 800 che jujun ajchak katijoxik ri’.

Eri Sub Coordinador rech Capacitación rech Recursos Humanos, Victor Bonilla kub’ij eri 60 ajchak ri’ are e jachom kuwach rech k’o kek’oji pa tijonem rech kasaqarik xuquje’ e k’o nik’aj rech kek’oji pa tijonem ri’ pa taq qajib’al q’ij ri’ eri e are ri’ k’o kajib’ kajb’al kakib’an pa le tijonik ronojel taq q’ij ri’ xuquje’ are rech kakitz’aqatisaj lajuj uwach k’olib’em pa tijonik ri’ rech kakitz’aqatisaj ka’winaq kajb’al ri’, rech te k’u ri’ kb’an etab’an eta’manik chi ke ri’ xuquje’ eri qas xekowinik k’ xkich’ob’o kajach ri’ jun kiwujil rech kakoj pa le kiwuj rech kichakub’al ri’.

Ub’anikil pwaqil rech tojb’al chi ke ri ajchajil rech japache’

Pa k’isb’al rech eri Álvarez Galán xub’ij che ri uchak upatan are katajin na pa le ilonb’al chakunik ri’, rech b’a’ pa keb’ ixob’ ik’ ri’ eri ajchajil rech japache’ ri’, k’o jun utzilem ya’tal chi ke ruk’ jun pwaq rech tob’anik katoj chi ke ri’ are rech kuwa’lijsaj kuki’kotisaj kanima’ ri’ xuquje’ rech ya’talil jun utzalaj tojb’al pwaq chi ke ri’ rech b’a’ kaya’ uchuq’ab’ kirajil kakikoj ri’.

COMPARTIR