Xkoj ri cholchak tijonik rech Uxulanib’al q’ij pa Villa Nueva

89

Are rech b’a’ kaq’atexik b’anow k’ax kumal taq ri alab’om alitom ak’alab’ juntir rajawaxik kemin pa tijonik ri’ rech k’o utz kaketa’maj ri’, eri q’ij kek’oji pa le tijonik ri’ man keb’e ta ri’ pa tijob’alil, are ri utaqim ri cholchak rech Tijonem pa Uxulanib’al q’ij ri’, ri xkojotaj rumal ri Urox Viceministerio rech Gobernación pa taq ri wokja rech Villa Nueva.

Eri Axel Romero, viceministerior rech ri q’atel b’anow k’ax ri’, xuya’ ub’ixik che ri are wa’ uwach katajin uchakuxik rech kaya’ uchuq’ab’il ri k’amow ib’ kumal ri winaqilal pa taq ri wokja ri’ xuquje’ rech kaq’atexik ki’okik ri ak’alab’ kuk’ ri b’anol taq k’ax ri’.

 “Eri uj ri’ pa le cholchak rech Kub’sib’al Tijonem kujtajin k’ut che b’anow komon chak ruk’ ri Ministerior rech Tijonem ri’ pa juntir jun junab’ ri’, e k’o pa sachinem ri’  134 chi tijob’al xuquje’ are wa’ uya’om naj tijonik kuk’ ri qajtijoxel ri’ pa le Tijob’al rech Uxulanib’al Q’ij ri’, are rech b’a’ eri alab’om alitom kek’oji b’a’ pa jun utzalaj je’lalil tijonik pa we q’ij ri’” xcha’ ri Romero ri’.

Eri cholupam uwachtzijonem kaya’ pa taq le Tijob’el pa Uxulanib’al q’ij ri’ eri toq’im uwach rumal ri Urox Viceministerio rech Gobernación are taq wa’: utzalaj tzuqunik ri’, ya’b’al loq’ob’a ib’, ya’olchajinik chi ke winaqilal ri’ xuquje’ ri q’atel awan kunab’al ruk’ tzam ri’.

 

Swiffy Output
COMPARTIR