K’o cholchak rech keq’atexik alab’om alitom rech ke’ok ta pa k’ax pa Villa Nueva

308

Are rech kuwa’lijsaxik q’atenik b’anow k’ax kumal taq ri alab’om alitom rumal ri’ kekoj pa taq je’lalil tijonem pa taq le cholchak rumal le Urox Viceministerio rech  Gobernación ri are katajin che ukojik pa taq le colonias rech Villa Nueva.

Eri cholchak ri’ re xya’taj ub’ixik rumal ri viceministro rech Gobernación, Axel Romero, chi ke ri k’amal b’e kech ri winaq e villanovanos, pa jun riqb’al ib’ xb’an chi’, rech ya’tal ub’ixik chi ke ri cholchak ri’ tajin ukojik chi’ rech k’amow ib’ kuk’ ri winaqil chi’ xuquje’ rech k’o ri ya’olchajinik chi’.

 “We kamik ri’ eri patan cholchak kojom chik pa we uq’ab’ tinamit chi’, kojpa’ ri rech Escuelas Seguras, ri rech Q’atel Pandillas, xuquje’ katajin uch’ob’ik rech kakojik nik’aj chik kojpa’ ri kemol alab’alom alitom rech kakib’an ri utz ri’, are ri’ komon rech riqb’al kib’ ri alab’om alitom xuquje’ ri Jachakunb’al rech Ya’b’al tz’aqatil Ilonem chi ke ri Alab’om Alitom ri’” xcha’ ri Romero.

Eri viceministro xuya’ ub’ixik che katajin uchomaxik rech kakojik ri Escuelas rech Vacaciones kech taq ak’alab’ kuk’ alab’om alitom chi’ rech b’anob’al etz’anem pa taq le ik’ man keb’e ta pa taq tijob’al ri’.

Pa le riqb’al ib’ ri’ eri k’amal b’e rech Villa Nueva xya’taj ub’ixik chi ke, chi rij kakoj chi’ ri k’ak’ Taqanik Ilonb’al pa Japache’ chi’, rumal kayak chi’ ri ja tz’apib’al kech ixoqib’ k’o taq kal pa le uq’ab’ tinamit ri’ xuquje’ rech kek’oji e ri’j winaq chik chi’.

COMPARTIR