Kakoj na ri nab’e jachakunb’al ilb’al rech ri b’anow k’ax qas kab’an pa Chimaltenango

279

Eri kataqixik ri’ are kamol juntir, kab’an ch’ob’ow chi rij ri’ xuquje’ kasolwachixik uwach taq ri k’axk’olil uya’ik ri b’anow k’ax pa le tinamit ri’, rumal ri’ kakoj na ri nab’e jachakunb’al rech ilb’al ub’anikil ri b’anow k’ax chi’ pa Chimaltenango, jeri’ xuya’ reta’maxik ri viceministro rech Q’atel b’anow k’ax ri’, Axel Romero, ri xkub’isaj ub’ixik che we jun cholchak ri’ are kamajtaj upatanixik pa keb’ ik’ ri’.

Xuquje’ eri kajwaxik ri’ eri ajilonel chomanel pa taq tinamit ri’ kek’oji pa jun jachakunb’al ri kakoj ri’, rech kakib’an uch’ob’ik rech kakichomaj ri ya’olchajinik chi ke winaqila pa juntir le tinamit ri’ che ri kek’oji wi le ajwinaqixel e aj chi’ xuquje’ kuk’ ri K’amal b’e rech taq pa Tinamit ri’.

“Arewa’ kamajtaj pa Chimaltenango rumal b’a’ are tinamit karaqataj naqaj chi ri uk’u’x nimatinamit ri’ xuquje’ xa’rumal qas chi’ utz xb’an wi uterenb’exik ri ya’olchajinik xuquje’ rumal k’o jun ub’eyal ri k’axk’olil che ri kachomax uwach ri’, are wa’ jun ub’eyal ri’ ri qas k’o kupatanij ri’”, xcha’ ri Romero.

Jeri’ xtzijoxik che are wa’ ri jachakunb’al rech solwachinem kachomaxik kakoj na ri’ pa Uk’ux’ Nimatinamit Iximulew ri’, jeri’ pa Escuintla, pa Cobán xuquje’ pa Quiché.

Xkub’isaj k’ut ub’ixik che ri k’axk’olil ri’ are tajin kuq’alajisaj pa jalajoj taq uwach ub’anikil ri’ jacha’ ri b’antajil uwach ri jujun taq tinamit ri’.
We jun tzijob’en ib’ ri’ are xya’tajik pa le k’utb’al rech ri K’ak’ Ub’anikil Uchomaxik pa taq Tinamit rech Uq’atexik ri b’anow k’axk’olil xuquje’ ri ya’olchajinik Winaqilal ri’, chi’ k’ut xetatb’en wi ri k’amal b’e chomanelab’ rech ri USAID, rech ri PNUD xuquje’ rech ri Mercy Corps ri’.

COMPARTIR