Are rech b’a’ kaq’atexik ri b’anoj k’ax pa le k’ulb’a’t amaq’ México ruk’ Iximulew ri’, are ri’ kutaqij ri cholchak chi’ rech ya’olchajinik ri kakoj na chi’ rumal ri Urox Viceministerio rech Gobernación, pa komonb’alil ruk’ le Nim Molaj rech Ya’olchajinik (GANSEG).

Eri Hendry Reyes, ajno’jinel rech ri Urox Viceministerio, xuya’ ub’ixik che we ya’olchajinik ri’ are rech kakojik pa k’ulb’a’t amaq’ ri’ are uk’amom uwach juntir San Marcos, Chinab’jul, Quiché xuquje’ Petén, xuquje’ rech e are jun le winaqilal chi’ pa le q’atenik b’anoj k’ax chi’.

 “Jalajoj uwach taq le cholchak kakoj chi’, e are jun chupam ri’ le winaq tinamit. Eri uwach taq le b’anoj k’ax kuq’atij are kesaxik le winaq pa k’axalaj taqab’alil xuquje’ rech uq’atexik le b’anoj elaq’. Eri ch’ob’otal chak ri’ are xuk’am uq’ab’il rumal ri GANSEG xuquje’ are kamajtaj upatanixik qaraj pa jun ik’ ri’” xcha’.

Eri Reyes xub’ij e reta’maxik we uwach taq ch’ob’otal chak ri’ are kachakux ri’ pa le ub’i’ “Ajchajin Tinamit are Qachib’il”, are rech b’a’ kuk’am kib’e le ajtijoxel, eri ch’ob’otal chak ub’i’ “Cholchak uchi’ ja pa taq uchi’ ja” chi’ k’u ri’ eri eqa’lenelab’ ke’opan che ya’oltzijolinik chi ke ri winaqilal xuquje’ rech kak’oji jun tzijob’enik chi kuwach le q’atb’altzij  kuk’ le tinamit.

Swiffy Output
COMPARTIR