Xkojik ri nab’e yab’al ilonik chi ke e ajq’axel winaq ri’

328

Eri Viceministro rech Q’atel B’anow k’ax, Axel Romero xmolin kuk’ ri k’amal b’e chomanik rech ri Consejo Nacional rech Yab’al Ilonem chi ke e Ajq’axel Winaq pa Iximulew ri’ (CONAMIGUA), are rech utaqim uya’ik loq’ ilonem chi ke ri e ajq’axel winaq chi’ xuquje’ rumal ri’ k’o jun wujil kakijuch’ uwach rech uwokik ri Komon e Ajno’jinelab’ ri’.

Eri Viceministro Romero are jun k’o pa le Komon Ajno’jinelab’ ri’ are rech uwokik b’anow chomanik pa taq tinamit pa uwachulew ri’ xuquje’ pa rulewal taq tinamit rech yab’al ilonem chi ke ri e ajq’axel winaq pa Iximulew ri’ xuquje’ chi ke taq ri kachalalil ri’.

Eri molinik xb’antajik ri’ are rech b’a’ ri komon ajno’jinelab’ kaketa’maj jas ri kub’an ri CONAMIGUA xuquje’ rech e are ke’ok pa le uwokik uwach ri cholchak ruk’ ri ch’ob’otal chak pa le b’anow utzilem chi ke ri winaq e aj iximulew ketzalij loq chi’.

Eri ajpatanel ri’ xuya’ ub’ixik che ri e are jun pa le chomanik ri’ rech kakinimaj uwach ri taqanik ri’, rech ketob’anik rech uya’ik uchuq’ab’ ri uchak patan ri CONAMIGUA, xuquje’ rech kechakun k’ut k’a pa le Urox uq’ab’ taqawokajnem ri’ pa jun cholb’al chak rech kuwa’lijsaxik ri q’atel b’anow k’ax chi ke ri e ajq’axel winaq xetzalij loq.

 “Eri e Ajq’axel Winaq ri’ k’o k’ut kekowin che ub’anik ri’ are rajawaxik kechb’exik pa taq katinamit pa le q’atel b’anow k’ax pa taq kijuyub’al katinamit ri’”.

Pa le nab’e uwach chakunik kakib’an ri’ are kakiwa’lijsax ri chak patan pa le Viceministerio rech Q’atel B’anow K’ax ri’ rech kakib’an utz che ub’anik unuk’ub’al taq tzijol ri’ pa le unimaxik ukojik ri wujil rech yab’al kitzijol ri e ajq’axel winaq xetzalij loq cho kaj pa xik’ach’ich’ ri’, je ri’ ub’anikil kab’an chi ke ri xetzalij loq cho taq ulew ri’,

 “Eri nab’e kachakuxik kaya’ pa saq are kasuk’umaxik ri wujil rech kitzijol pa le yab’al tzijob’elil ri’, rech ruk’ wa’ kaqach’ob’o jas le rajawaxik chi ke ri e ajq’axel winaq ri’ pa tinamit ri’”, xcha’ ri Romero.

Are wa le nab’e ch’ob’otal chak ri kamajtaj uwa’lijsaxik ukojik ri’ rech q’atel b’anow k’ax chi ke ri e ajq’axel winaq ri’.

 

COMPARTIR