K’o k’ak’ tob’chakub’al no’jb’anem kakoj na ri’ pa le Cholchak Jaqatil Taqawokaj ri’

406

Eri q’atb’altzij rech ri Ministerio rech Gobernación xkik’am uq’ab’il ri chak patan pa le Cholchak Jaqatil Taqawokaj rech ri Organismo Ejecutivo, pa le tob’anik pa jun molinchak chomanik rech kakojik ri Chomab’al Tinamit rech Jaqatil Tzijol ri’, ri kuya’ uch’ob’ik ri tzijolinem ri nim upatan che ri Taqawokaj pa Amaq’ rech kuq’axaj ub’ixik chi ke ri winaq tinamit ri’, xcha’ ri Viceministro rech No’jb’anem, Walter Girón.

 “Eri utaqib’alil ri’ are rech b’a’ ya’talik kakoj pa le b’anow utz chomanik ri’, rech kakoj pa le eta’mab’alil che ri kub’an ri Tijob’al ri’, rech aretaq kasolix uwach kumal ri komon tinamit winaq xuquje’ rech kaya’ uchuq’ab’ ri taqanib’al rech Taqawokaj ya’tal pa kiq’ab’ ri tinamit ri’”, xcha’ ri Girón.

Eri Girón xutzijol che we kamik ri’ petinaq ri’ jun b’e nim kab’inisax uwach ri’, are ri b’e q’atam chik uwach ri’ xuquje’ are wa’ che ri rajawaxik kanimax uwach ri’ xuquje’ “are ri jalajoj uwach kachakux ri’ pa taq le wokajil rech ri Taqawokaj ri’, je ri’ ruk’ ri xchakux uwach rumal ri Gobernación ruk’ ri Senacyt rumal ri’ rajawaxik k’ut kaqamol qib’ che uchakuxik ri’, rajawaxik b’a’ kaqachakuj we jun chomab’al tinamit ri’, kujchakun b’a’ ruk’ ri Segeplan rajawaxik b’a’ kaqatun qib’ ruk’ ri b’anikil taq chomab’al tinamit kojpa’ kutoq’ax rumal ri Taqawokaj ri’ xuquje’ are ri k’isb’al uwachinik ri’ le Chomab’al Tinamit rech Q’ajajisab’al taq Tzijol ri’ xuquje’ pa le Mingob ri’, kojtajin juntir che rilik pa juntir le q’ij ri’ rech b’a’ kaqanimaj ruk’ utaqib’al ri chakunik ri’ che ri xaqab’ij qachakuj kaqapatanij we kamik pa le Ministerio rech Gobernación ri’”.

En k’u ri’ le K’amal b’e Amaq’, Jimmy Morales sib’alaj xuya’ ub’ixik che k’o upatanib’al le chak b’anom ri’ kumal juntir ri xechakun rech ri’. “Wa’ nab’e q’axnem ri’ ma qaya’ kan chi’ xane’ qonojel b’a’ kaqachakuj b’a’ kojpa’ xaqamaj loq umajik ri’ pa taq le 22 ik’ ri’ rech te k’u ri’ kaqab’ij we jun b’anow chak ri’ xk’is ri’ xuquje’ rech te k’u ri’ kaqakoj chi na jun opanem chik sib’alaj najropinem na pa we amaq’ ri’”.

Xub’ij chik, “Sib’alaj kuwaj in nimalaj kinya’ ub’ixik ub’anikil ri chak kumal ri nuk’wokajil kech winaq tinamit ri’ ri uj kachb’ilam ri’ xuquje’ ri e chakuninaq pa komon kuk’ taq ri wokajil pa tinamit ri’ are rech b’a’ kaya’tajik jun qastzij cholchak rech pa we amaq’ ri’, che ri katajin b’a’ uchomaxik rech kutak’ab’o uwach ri Jaqatil Taqawokaj pa Amaq’ ri’ are rech b’a’ qastzij kub’an kunimaj ub’anikil ri saqilb’anem xuquje’ rech katotab’enik xuquje’ rech katob’anik xuquje’ rech kinb’ij ri’, “Che qastzij b’a’ kuwaj kinb’ij chi ke konojel ri winaq tinamit che qastzij b’a’ ronojel kanimaq’ xetatab’enik pa taq le jalajoj taq riqb’al ib’ chomanik ri xjaq uwach ri’, rech xkiya’ chi’ kitzij kachomab’al ruk’ kanimanem xuquje’ xek’ji pa le jo’ob’ pa uwokajil we cholchak ri’.

COMPARTIR