Xjaqataj uwach ri Tijob’enik chi ke ri PNC chi rij Ub’eyal Q’atojchak, Ub’anikil Sak’ajil Tzukunem xuquje’ chi rij Tzijolinem ri’

703

Eri Ministro rech Gobernación Francisco Rivas Lara, ruk’ ri K’amal b’e rech ri Wokajil Ajchajil Tinamit (PNC), Nery Ramos; ruk’ ri Subdirector rech  Investigacion Criminal rech ri PNC,  Stu Velasco; jeri’ kojpa’ ri José Adolfo Reyes, K’amal b’e rech ri Instituto rech Ciencias Policiales xuquje’ rech Ya’olchajinik rech ri Universidad rech Occidente, pa junamil k’ut xkijaq uwach ri B’anow Tijob’en ib’ ri’ chi rij  Ub’eyal Q’atojchak, Ub’anikil Sak’ajil Tzukunem xuquje’ chi rij Tzijolinem ri’

Eri uwach taq ri k’uttijonem ri’ are rech utz’aqatisaxik ri tijob’en ib’ ri’, rech ketijoxik ri eqa’lenelab’ rech ri Wokajil Ajchajil Tinamit ri’. Chi ke e 200 eqa’lenelab’ pa taq jalajoj uwach kik’olib’emal ri’ xuquje’ chi ke ri k’amal b’e rech taq pa jujun taq uwokajil ajchajin tinamit ri’, pa oxib’ ik’ k’ut ya’talil ri Tijob’enik chi ke pa le Universidad rech Occidente ri’.

Eri taqawokajnel rech ri Ya’olchajinik ri’, xub’ij che we jun “ya’b’al tijob’en ib’ ri’ are uwach ri chak patan pa le taqawokajilal rech ri pa Uwokajil Ajchajil Tinamit ri’, eri uj uj q’atb’altzij uj ya’l rech uchuq’ab’il ri’ xuquje’ kaqaya’o ri tob’anik che ri k’uttijonem ri’, are wa’ jun uwach qapatan ri rajawaxik kaqanimaj uwach ri’”, xcha’.

Xuquje’ xutzijoj che ri are wa’ jun chokonsab’al chi ke ri eqa’lenelab’ pa chuwe’q kab’ij ri’. Rumal b’a’ “ are wa’ ri jun k’exnem pa we q’ijolil ri’, rech b’a’ tajin ukojik pa wa’lisab’al kech pa le chak patan xuquje’ pa kik’aslemalil ri’.”

Eri José Adolfo Reyes, k’amal b’e rech ri Instituto rech Ciencias policiales xuquje’ rech ya’olkub’sib’al k’u’x rech ri Universidad rech Occidente, xub’ij che ri retal tijob’en ib’ ri’ are xwok uwach ruk’ k’ow ub’anikil taq ub’eyal tzukunem, q’axaltzijolinem xuquje’ ruk’ sak’ajil taq ub’eyal b’anob’al ri’.

Eri Stu Velasco, Subdirector rech Investigacion Criminal rech ri Wokajil Ajchajil Tinamit (PNC), xub’ij che pa 2017 are choman chik kaya’ pa le Universidad Rafael Landívar 50 maestrías rech Estudios estratégicos, xuquje’ rech q’axaltzijolinem pa tinamit xuquje’ rech b’anow Chomab’al Tinamit ri’.

Eri Velasco, xub’ij che ri b’anow tijob’enik ri’ are oxib’ ik’ kanajtib’ uwach ri’, pa le Universidad rech Occidente. Eri chokonsab’al kakoj chi rij ri’ are rech ri Extinción rech dominio pa jun 70 ujo’k’alib’alil ri’ xuquje’ pa jun 30 ujo’k’alib’al uwach rech ri PNC ri’.

 

COMPARTIR