Xjaqataj ri Tijob’al rech Je’lb’anow xuquje’ rech Tzijob’enik pa le Colonia Belén, rech Mixco

428

Pa le jaqib’al rech ri jun Tijob’al rech Je’lb’anow ri’ ruk’ ri Tzijob’en ib’, Convivimos… pa ki’kotemalil b’a’, pa le tinamit rech Mixco pa le comunidad Belén, are utaqim ukojik jun k’amow ib’ rech jikomal joremal ri’ rech chi’ k’ut eri alab’om alitom kakiraq k’ut jun kub’sib’al k’u’x uwach jamalil rech k’o kaketa’maj wi, rech k’o kakichakuj ri’, xuquje’ rech k’o kakikoj wi ri keta’mab’alil ri’, rumal ri’ eri viceministro rech Q’atel k’ax, Axel Romero sib’alaj xumaltyoxij che ri q’atb’altzij rech Mixco, ri Instituto DEMOS xuquje’ ri Mercy Corps e are k’ut keya’w rech ri jun q’ijol echb’anem ri’ rech ketatb’enik xuquje’ rech ke’achb’ilanik ri are wa’ k’o nim kupatanij pa le jun nim ub’anikil jaqib’al nimaq’ij ri’.

Xub’ij chik eri jaqib’al uwach ri tijob’al ri’ are jun k’utb’al rech chi’ che ri taqawokaj pa uk’u’x nimatinamit, pa q’atb’altzij, pa nuk’wokajil winaqilal rech pa taqawokaj ruk’ ri komon winaqilal pa tinamit ri’ rech kakimol kib’ pa ub’anik jun nim k’exnik pa tinamit chi’, pa le comunidad rech Belén ri’, are rech b’a’ kuya’o jun nim k’utb’al rech jas ub’anikil ketajin che ub’anik ri winaq chi’ pa le jun b’anow k’exnik ri’ kuk’ ri winaqilal, ruk’ ri kitzijob’enik chi kuwach ri’.

 “Are wa’ rech k’a te umajik ri’, rech k’a kakojik ri’, are wa’ jun q’ij rech unimaq’ij ri’ xuquje’ are wa’ jun k’utb’al chi ke ri alab’om alitom che ri ketajin pa le tatb’enik pa jun nimaq’ij pa amaq’ tinamit ri’ che ri pa le q’ij ri’ aretaq kutz’aqatisaj juwinaq ujunab’ juch’um ri ch’uch’ulem chomanik rech joremal ri’ xuquje’ are wa’ jub’ik k’utb’al rech ri kak’owisaxik pa juwinaq junab’ chik pa le komonb’al winaqil ri’, ri kitatb’enik ri winaqilal ri’ xuquje’ b’anow uchomaxik ri’ rumal ri’ taqawokaj pa amaq’, kuk’ le komon winaqilal ri’ rech k’o jun nim k’exnik pa taq le kijuyub’al kik’olib’alil ri winaqil ri’”, xcha’ ri Romero.

Xub’ij chik, “Kaqak’owisaj b’a’ we jun nimaq’ij rech b’antajil ri’ le chomam chik xuquje’ ri are sib’alaj utzalaj kaqilo rumal ub’anikil uk’amik uwach ri uk’u’xal uk’olib’alil ri b’antajil tinamit ri’ ri katajin ujaqik uwach ri’ chi’, rech are b’a’ kakoj che jun k’exnik uwach kik’aslemalil ri winaqil juntir ri’ pa Iximulew ri’ xuquje’ rech konojel b’a’ ri winaq chi’ xuquje’ ri kojtajin che reyexik rech katob’anik kuk’ex uwach ri b’antajil ri’ xuquje’ are wa’ rech kumaj uk’exik uwach ri’ xuquje’ rech kusuk’umaj kik’aslemalil ri winaqil rech pa tinamit Belén ri’”.

Rech k’o upatan ri’

Eri retal tijob’en ib’ ri’ are xya’tajik rech tijonik chi rij B’anow Xojoj, Kunan Achib’al, B’anow K’utixel xuquje’ Tzijob’enik ri juntir man k’ot rajil katojik ri’, xuquje’ are xya’taj chi ke alab’om alitom ri kajlajuj pa juwinaq jun kijunab’ ri’, pa taq le q’ij sábados k’a pa taq waqxaqib’ kajb’al rech saqarib’al pa jo’ob’ kajb’al rech qajib’al q’ij ri’, chi la’ pa Tijob’al rech Je’lb’anow xuquje’ Tzijob’en ib’ pa le 3a. Calle 5-27 zona 7 rech Mixco, Colonia Belén.

Ruk’ wa’ jun cholchak ri’ xuquje’ xqaj uwach ri’ ri Tijob’al rech Amatitlán, ri Centro Comunitario Convivimos, ri nab’e kanoq are ri’ le rachoch ri Asociación Cristiana kech alab’aom alitom ri’.