Xjaq uwach ri q’atb’altzij q’atel kamisan taq ixoqib’ ri’

103

Eri Ministro rech Gobernación, Francisco Rivas Lara xukoj rib’ chuxe’ ri Q’atenik b’anow k’ax chi ke taq ixoqib’ ri’ rumal ri’ xtatb’en pa le jaqib’al uwach ri Q’atb’altzij rech Q’atel b’anow k’ax chi ke Ixoqib’ ri’ pa le Ministerio Público.

Eri upatan ri Q’atb’altzij xjaqik ri’ pa una’tib’alil ri Nimalaj Nimaq’ij rech pa le 25 rech noviembre, pa Q’ijol pa Uwachulew rech ri Maj b’anow k’ax chi ke ri ixoqib’ ri’, are rech b’a’ katzukuxik k’o ki’okib’alil kichomaxik pa Q’atb’altzij konojel taq ri ali, alab’om alitom xuquje’ ri e nan chik b’anom k’ax chi ke.

Pa le Q’atb’altzij rech Q’atel b’anow k’ax chi ke Ixoqib’ ri’ kak’oji k’ut pa Beronica de León, ri xuya’ ub’ixi che ri ajchak sib’alaj e taqom pa le b’anow tzukunem chi rij ri b’anow k’ax rech kaq’atexik pa juntir taq ri ub’anikil itzelal ri’.

Eri Fiscal General, Thelma Aldana xub’ij che pa jun uq’axik chomanik ri’ are rech ya’talil pa saq ri uq’ab’il uchak patan ri Ministerio Público pa le Q’atel b’anow k’ax pa tinamit ri’ rech kaq’atexik pa juntir ub’anik ri b’anow k’ax chi ke taq ixoqib’ ri’.

 “Eri qachak uj are rech kaqaterenb’ej ri ukojik ri taqanem ri’ ruk’ le nim kitob’anik ri nuk’wokaj winaqilal ri’ pa le uch’ob’ik che xaq ta kab’an tane’ k’ax chi ke, we man jeri’ kab’anik kaq’atataj ta ri’ ri b’anow k’ax chi ke ri ixoqib’ ri’ are wa’ k’o ri q’atb’altzij chi rij rech q’atel b’anow k’ax ri’, are wari’ rajawaxik kaq’atexik pa tinamit winaqil ri’”, xcha’ ri Aldana.

Rumal ri’ eri Amaq’ Tinamit Iximulew ri’ ujuch’um chik uwach ri wujilal b’anom pa taq uwachulew ri’ kojpa’ ri Convención q’atenik b’anow k’ax chi ke ri ixoqib’ ri’ xuquje’ ri  Convención Interamericana rech kaq’atexik, rech k’o q’atow tzij chi rij ri jun b’anow k’ax ri’ xuquje’ rech kachupisax uwach ri b’anow k’axk’olil ri’.

 

Swiffy Output
COMPARTIR