K’o ya’olchajinik xkojik pa uq’ab’tinamit rech San Miguel Petapa

234

Eri viceministro rech ya’olchajinik rech uq’atexik b’anoj k’ax ri’, k’amom ub’eyal rumal ri Edgar Ramírez ruk’ ri ajkalte rech San Miguel Petapa, Luis Barillas, xkijaq ri komon Ya’olchajinik Winaqil Tinamit chi’, are wa’ jun tob’chakub’al ri ya’talik rech kakil uwach ri winaq chi’, eri tzijol kakoj chupam ri’ are kukol kanoq pa nuk’ulem ilb’alil ri’, chi’ k’ut ya’talil wi kilik ri chak utzilem tajin kapatanix kumal ri wokajil ya’olchajinik chi ke ri winaq tinamit ri’.

Xuquje’ eri Viceministro xub’an jun jachoj ri’ rech ri Chomanik rech Ya’olchajinik Tinamit ri’, ruk’ wa’ are kamajtaj ukojik pa ukaj uq’ab’tinamit ri’ pa le jun ub’anikil ri’ “Kojpa’ tane are uwachinik chakunem ri’, xuquje’ kajach wa’ jun Chomanik rech Ya’olchajinik pa Tinamit rech Q’atenik b’anoj k’ax ri’, ri k’o chik pa saqil ri kuchakuj uwach ri’ rech ya’b’al tob’anik chi ke ri alab’om alitom ri’, ak’alab’ kuk’ ixoqib’ ri kiraqom k’ax ri’, rech ya’tal ilonem chi ke juntir ri winaq tinamit ri k’o sib’alaj rajawaxik chi ke ri’” xcha’ le tat Ramírez.

Pa le nim chomanik ri’ are jun xk’oji chi’ ri viceministro Edgar Ramírez, ri Luis Barillas Ajkalte rech tinamit chi’, ri Jaime Orantes, K’amal b’e rech ri Wokajil Ya’olchajinik pa Komonb’al ri’ rech Q’atenik b’anoj k’ax Violencia -UPCV- xuquje’ ri Leticia Sanic, Asistente Técnica rech UNESCO.

Nota: Wendy Álvarez
Fotos: Roberto López 

COMPARTIR